തിരുവനന്തപുരം : ലോ അക്കാദമിക്ക് മുന്നില് നടക്കുന്ന ബിജെപി നിരാഹാര സമരപന്തലിലേക്ക് കേരളത്തിന്റെ നാനാ തുറകളില് നിന്നുള്ളവരാണ് എത്തുന്നത്. ബിജെപി ആംഭിച്ച നിരാഹാര സത്യഗ്രഹം 13-ാം ദിവസത്തിലേക്ക് കടക്കുമ്പോള് വി വിരാജേഷ് നിരാഹരാസമരം തുടങ്ങിയിട്ട് 5 ദിവസങ്ങള് പിന്നിടുന്നു. രാഷ്ട്രീയ കക്ഷി ഭേദമന്യേപ്രകടനമായി എത്തുന്നവര് സമര പന്തലുകളിലെത്തി അഭിവാദ്യം അര്പ്പിച്ച മടങ്ങുകയാണ്.
ഇന്നലെ രാവിലെ നടന്ന നടരാജ പിള്ള അനുസ്മരണത്തില് പങ്കെടുക്കാന് രാഷ്ട്രീയ ഭേദമന്യേ നിരവധി പേരാണ് എത്തിയത്. വിവധ മോര്ച്ചകളുടെയും എബിവിപി യൂണിറ്റുകളുടെയും നേതൃത്വത്തില് പ്രകടനങ്ങള് നടന്നു. കെപിഎംഎസ് പ്രകടനം പോലീസ് വഴിയില് തടഞ്ഞു. കനത്ത പോലീസ് സന്നാഹമാണ് പ്രകടനത്തെ നേരിടാന് തയ്യാറാക്കിയിരുന്നത്. ബിജെപി ജില്ലാ ഭാരാവാഹികള്, വിവധ മോര്ച്ച ഭാരവാഹികള്, മണ്ഡലം പ്രസിഡന്റുമാര് തുടങ്ങിയവര് മുഴുവന് സമം സമരപന്തലിലുണ്ട്.
