ചെറുപുഴ: ചെറുപുഴ പോലീസ് സ്റ്റേഷനില്‍ എസ്‌ഐയും സീനിയര്‍ പോലീസ് ഓഫിസറും തമ്മിലുണ്ടായ കയ്യാകളി വിവാദമായതോടെ എസ്‌ഐയെ സ്ഥലം മാറ്റി. എസ്‌ഐ കെ.വി സ്മിതേഷിനെയാണ് കണ്ണൂര്‍ കണ്‍ട്രോള്‍ റൂമിലേക്ക് മാറ്റിയത്. പോലീസുകാരുടെ വിശ്രമ മുറിയില്‍ കയറി എസ്‌ഐ കെ.വി.സ്മിതേഷ് പുകവലിക്കുന്നത് പോലീസുകാരന്‍ ചോദ്യം ചെയ്തതാണ് പ്രശനത്തിന് തുടക്കമിട്ടത്. തുടര്‍ന്ന് വാക്കേറ്റമുണ്ടാവുകയും പോലീസുകാരന്‍ എസ്‌ഐ പുകവലിക്കുന്നത് മൊബൈലില്‍ ചിത്രീകരിക്കുകയും ചെയ്തതാണ് പ്രശ്‌നം രൂക്ഷമാക്കിയത്. രഹസ്യാന്വേഷണ വിഭാഗം റിപ്പോര്‍ട്ട് നല്‍കിയതോടെ സംഭവത്തെക്കുറിച്ച് അന്വേഷിക്കാന്‍ ഉന്നതപോലീസ് ഉദ്യോഗസ്ഥന്‍ ഉത്തരവിടുകയായിരുന്നു. പോലീസ് സേനയെക്കുറിച്ച് പൊതുജനങ്ങളില്‍ മോശമായ പ്രചരണം നടന്ന സാഹചര്യത്തെ തുടര്‍ന്ന് നടപടിക്കായി തളിപ്പറമ്പ് ഡിവൈഎസ്പി കെ.വേണുഗോപാല്‍ ജില്ലാ പോലീസ് മേധാവിക്ക് അന്വേഷണ റിപ്പോര്‍ട്ട് സമര്‍പ്പിച്ചു. എസ്‌ഐക്കെതിരെ വ്യാപകമായി പരാതി ഉയര്‍ന്നിരുന്നു. ജനപ്രതിനിധികളെ കയ്യേറ്റം ചെയ്യാന്‍ ശ്രമിച്ച സംഭവത്തില്‍ സ്മിതേഷ് അന്വേഷണം നേരിടുകയാണ്. ചെറുപുഴ എസ്‌ഐയായി പി.സുകുമാരന്‍ ചുമതലയേറ്റു.
വിവാദങ്ങള്‍ക്കിടെ ചെറുപുഴ എസ്‌ഐയെ മാറ്റി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.