വൈത്തിരി : ആറുപടൈ വീട് വൈദ്യഗിരി ശ്രീ സുബ്രഹ്മണ്യ സ്വാമി ദേവസ്ഥാനം തൈപൂയ മഹോത്സവവും ശ്രീമദ് ഭാഗവത സപ്താഹവും ഇന്നുമുതല് 12 വരെ നടക്കും. മഹോത്സവ പരിപാടികളുടെ ഉദ്ഘാടനം പ്രമുഖ ആര്ക്കിടെക്റ്റും എറണാകുളം ആസ്വാദി ആര്ക്കിടെയ്റ്റ് കോളേജ് ചെയര്മാന് ബി. ആര്.അജിത്ത് നിര്വഹിക്കും. ചടങ്ങില് ശോഭാ ഗ്രൂപ്പ് ചെയര്മാന് പി.എന്.സി. മേനോനെ പ്രഥമ വൈദ്യഗിരി സാധുസേവാ പുരസ്ക്കാരം നല്കി ആദരിക്കും.
ശബരിമല, ഗുരുവായൂര് മേല്ശാന്തിമാരായ ഏഴിക്കോട് ശശി നമ്പൂതിരിയും ഏഴീക്കോട് കൃഷ്ണദാസി നമ്പൂതിരിയും തമിഴ്നാട് ചിദംബരം ക്ഷേത്ര തന്ത്രികളായ സുന്ദരമൂര്ത്തി ദീക്ഷിതരും സൂര്യകാലടിയുടെ പ്രഥമ ശിഷ്യന് എറണാകുളം സി.വി. പുഷ്പന് ശാന്തിയും തൈപൂയ മഹോത്സവ ചടങ്ങുകള്ക്ക് കാര്മ്മികത്വം വഹിക്കും.
ഫെബ്രുവരി അഞ്ചിന് രാവിലെ മഹാഗണപതിഹോമത്തോടെ ചടങ്ങുകള് ആരംഭിക്കും. എല്ലാ ദിവസവും ഭാഗവത പാരായണം, സ്കന്ധ പുരാണ പാരായണം, ഭഗവത പ്രഭാഷണങ്ങള്, സ്കന്ധ പുരാണ കഥാ പ്രവചനം, പഞ്ച ഭൂത ദോഷ പരിഹാര യജ്ഞം, വിദ്യാഗോപാല മന്ത്രജപയജ്ഞം, ശ്രീഗുരുവായൂരപ്പദര്ശനം, ധ്യാനം, അഭീഷ്ടിഫല സിദ്ധിയജ്ഞം എന്നിവ നടക്കും. ലോക പ്രശസ്ത ധ്യാനാചാര്യന് എടത്തല വിജയന് തന്ത്രികളും ഭക്തപ്രിയ തൃപ്പൂണിത്തറ രമാദേവിയും വിവിധ യജ്ഞങ്ങളുടെയും സാമൂഹ്യപൂജകളുടെയും കാര്മ്മികത്വം വഹിക്കും. എല്ലാദിവസവും വൈകീട്ട് ഗാനമേള, തിരുവാതിരക്കളി, നൃത്തനത്ത്യങ്ങള് എന്നിവ അരങ്ങേറും.
ഫെബ്രുവരി 11ന് വൈകീട്ട് അഞ്ചിന് 1008 വൈദ്യഗിരീശതൃപ്പടി ദാനത്തിന്റെ ഉദ്ഘാടന കര്മ്മം ചിദംബരം തന്ത്രികളും സുന്ദര മൂര്ത്തി ദീക്ഷിതരും നിര്വഹിക്കും. ഇന്നുമുതല് 12 വരെ വിവിധ ദേശങ്ങളില് നിന്നുള്ള കാവടിവരവും തങ്കവേല് എഴുന്നള്ളത്തും കാവടി മലകയറ്റവും ഷഡ്ദ്രവ്യാഭിഷകവും ഉണ്ടായിരിക്കും.
