കണ്ണൂര്‍: ഊര്‍ജ്ജിത വ്യവസായ വല്‍ക്കരണത്തിന്റെ ഭാഗമായി ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ചെറുകിട വ്യവസായ സംരംഭകര്‍ക്കായി നിക്ഷേപ സംഗമം നടത്തി. കണ്ണൂര്‍ മുനിസിപ്പല്‍ കോര്‍പ്പറേഷന്‍ കൗണ്‍സിലര്‍ അഡ്വ.ലിഷ ദീപക്കിന്റെ അധ്യക്ഷതയില്‍ ജില്ലാ പഞ്ചായത്ത് വൈസ് പ്രസിഡണ്ട് പി.പി.ദിവ്യ ഉദ്ഘാടനം നിര്‍വഹിച്ചു. ജില്ലാ വ്യവസായ കേന്ദ്രം ജനറല്‍ മാനേജര്‍ രാജേന്ദ്രന്‍ ഡി, കേരള ചെറുകിട വ്യവസായ അസോസിയേഷന്‍ കണ്ണൂര്‍ യൂണിറ്റ് പ്രസിഡണ്ട് ജോസഫ് പൈകട, നോര്‍ത്ത് മലബാര്‍ ചേമ്പര്‍ ഓഫ് കൊമേഴ്‌സ് സെക്രട്ടറി സച്ചിന്‍ സൂര്യകാന്ത്, ജില്ലാ വ്യവസായ കേന്ദ്രം മാനേജര്‍ പീതാംബരന്‍ കെ എന്‍ എന്നിവര്‍ സംസാരിച്ചു.
യൂണിയന്‍ ബാങ്ക് ഓഫ് ഇന്ത്യ കോഴിക്കോട് റീജ്യണല്‍ മാനേജര്‍ മുഗ്ദ മോഹന്‍രാജ് ഡിജിറ്റല്‍ ബാങ്കിങ്ങിനെ കുറിച്ചും തിരുവനന്തപുരം എന്‍ഐടി ഡയറക്ടര്‍ നാണു വിശ്വനാഥ് കണ്ണൂര്‍ വിമാനത്താവളം, തുറമുഖം അനുബന്ധ നിക്ഷേപ തൊഴില്‍ സാധ്യതകള്‍ എന്ന വിഷയത്തെ കുറിച്ചും കണ്ണൂര്‍ ലീഡ് ജില്ലാ മാനേജര്‍ സന്തോഷ് പി. സ്റ്റാര്‍ട്ട്അപ് ഇന്ത്യ സ്റ്റാന്റ് അപ് ഇന്ത്യ, മുദ്ര സ്‌കീം എന്ന വിഷയത്തെ കുറിച്ചും, കൊമേഴ്‌സ്യല്‍ ടാക്‌സ് ഇസ്‌പെക്ടിങ്ങ് അസി.കമ്മീഷണര്‍ ചരക്കു സേവന നികുതി എന്ന വിഷയത്തെ കുറിച്ചും ക്ലാസ് എടുത്തു.
