സഹകാര് ഭാരതി അംഗത്വ വിതരണത്തിന്റെ ജില്ലാതല ഉദ്ഘാടനം അഖിലേന്ത്യ സെക്രട്ടറി
അഡ്വ കെ.കരുണാകരനില്നിന്നും ബത്തേരി സര്വ്വീസ് സഹകരണ ബാങ്ക് പ്രസിഡന്റ്
അഡ്വ പി.സി.ഗോപിനാഥ് സ്വീകരിക്കുന്നു
കല്പ്പറ്റ :സാമ്പത്തിക ഇടപാടുകള് നടത്തുന്നതിന് സഹകരണസംഘങ്ങള്ക്ക് ഏര്പ്പെടുത്തിയ നിയന്ത്രണങ്ങള് നീക്കി സഹകരണ മേഖലെയ ശക്തിപെടുത്തുന്നതിന് ആവശ്യമായ നടപടികള് സര്ക്കാരുകള് സ്വീകരിക്കണമെന്ന് സഹകാര് ഭാരതി അഖിലേന്ത്യ സെക്രട്ടറി അഡ്വ കെ.കരുണാകരന്. സഹകാര് ഭാരതി ഗ്രാമപഞ്ചായത്ത്തല പ്രവവ്ത്തക ശിബിരം കല്പ്പറ്റ ബിഎംഎസ് ഓഡിറ്റോറിയത്തില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 2017 -19 വര്ഷത്തേക്കുള്ള സഹകാര് ഭാരതി അംഗത്വ വിതരണത്തിന്റെ ജില്ലാ തല ഉദ്ഘാടനം ബത്തേരി സര്വ്വീസ് സഹകരണ ബാങ്ക് പ്രസിഡന്റ് അഡ്വ പി.സി.ഗോപിനാഥിന് നല്കികൊണ്ട് അദ്ദേഹം നിര്വഹിച്ചു. കള്ളപ്പണത്തിന്റെ പേരില് സഹകരണ പ്രസ്ഥാനത്തെ മുഴുവന് സംശയത്തിന്റെ നിഴലില് നിര്ത്തുന്നത് ശരിയല്ല. സാധാരണക്കാരുടെ ആശ്രയമമാണ് പ്രാഥമിക സഹകരണ സംഘങ്ങള്. കര്ഷകതൊഴിലാളികള്, സ്ത്രീകള്, പുപഭോക്താക്കള്, കുടുംബശ്രീ, സ്വയംസഹായ സംഘങ്ങള് തുടങ്ങിയ ചെറുനിക്ഷേപകര്ക്ക് ഇടപാട് നടത്താനുള്ള സൗകര്യം ഏര്പെടുത്തണം. ജില്ലാ സഹകരണ ബാങ്കുകളില്നിന്ന് പ്രാഥമിക സഹകരണ സംഘങ്ങള്ക്ക് പിന്വലിക്കാനുള്ള തോത് വര്ദ്ധിപ്പിക്കണം. പ്രാഥമിക സഹകരണ സംഘങ്ങള് സംസ്ഥാന സഹകരണ രജിസ്ട്രാറുടെ നേരിട്ടുള്ള നിയന്ത്രണത്തിലാണ് പ്രവര്ത്തിക്കുന്നത്. ത്രിതല സംവിധാനത്തില് പ്രാഥമിക സഹകരണ സംഘങ്ങളുടെ പ്രശ്നങ്ങള്ക്ക് പ്രായോഗിക പരിഹാരം കണ്ടെത്താനുള്ള ഉത്തരവാദിത്വം സഹകരണ രജിസ്ട്രാര്ക്കാണ്. ഇതില്നിന്ന് സംസ്ഥാന സര്ക്കാരിനും രജിസ്ട്രാര്ക്കും ഒഴിഞ്ഞുമാറാനാവില്ല. റിസര്വ്വ് ബാങ്ക് ആവശ്യപ്പെടുന്ന വിവരങ്ങളും രേഖകളും നല്കാന് സഹകരണ സ്ഥാപനങ്ങളും വകുപ്പും തയ്യാറാകണം. സംസ്ഥാന സര്ക്കാരിന്റെ നിഷേധാത്മക സമീപനമാണ് കേരളത്തില് പ്രതിസന്ധിയുണ്ടാക്കിയത്. ഇത് പരിഹരിക്കാനുള്ള നിര്ദ്ദേശങ്ങള് സംസ്ഥാനം റിസര്വ്വ് ബാങ്കിന് നല്കണമെന്നും അദ്ദേഹം പറഞ്ഞു.
അച്ചപ്പന് പള്ളിയറ അദ്ധ്യക്ഷത വഹിച്ചു. സംസ്ഥാന കോര്-ഓര്ഡിനേറ്റര് അജയകുമാര് മീനാത്ത്, മേഖലാസെക്രട്ടറി ഗണേശ് പാറക്കാട്ട്, ഗീതാചിദംബരം തുടങ്ങിയവര് വിവിധ വിഷയങ്ങളില് ക്ലാസ്സുകള്നയിച്ചു. അഡ്വ പി.സി. ഗോപിനാഥ്, വി.മോഹനന്, ടി.എന്.വിജയന്, ഓമന രവീന്ദ്രന്, ടി.എസ്.പ്രകാശ്, പി.വിജയന്, പി.ആര്.ചന്ദ്രമോഹന്, ജില്ലാസംയോജക് അനന്തശര്മ്മ, ജില്ലാ സേവാപ്രമുഖ് സി.ഉണ്ണികൃഷ്ണന്, ഈശ്വരന് മാടമന എന്നിവര് സംസാരിച്ചു.
