ബാലരാമപുരം: ബിജെപി കോവളം മണ്ഡലം കമ്മിറ്റിയുടെ ആഭിമുഖ്യത്തില് ഡിജിറ്റല് ബാങ്കിംഗ് സേവനങ്ങളെക്കുറിച്ചുള്ള പരിശീലനം സംഘടിപ്പിച്ചു. കേന്ദ്ര പൊതുമേഖലാ സ്ഥാപനമായ വിജയമോഹിനി മില്സിന്റെ നേതൃത്വത്തിലാണ് പരിപാടി നടന്നത്. കേന്ദ്ര സര്ക്കാര് നടപ്പിലാക്കുന്ന പണരഹിത ഇടപാടുകള് പ്രോത്സാഹിപ്പിക്കുന്ന നടപടികളുടെ ഭാഗമായിട്ടാണ് ഇത്തരം പരിശീലനങ്ങള് സംഘടിപ്പിക്കുന്നതെന്ന് ഫാക്ടറി മാനേജര് തോമസ് സെബാസ്റ്റ്യന് പറഞ്ഞു. സുതാര്യത, വിശ്വാസ്യത, സമയലാഭം എന്നിവയാണ് ഡിജിറ്റല് ബാങ്കിങ്ങിന്റെ പ്രത്യേകത. ചെറുകിട കച്ചവടക്കാര്ക്ക് പോലും പണമിടപാടുകള് വളരെ എളുപ്പത്തില് നടത്താനാകുമെന്നും അദ്ദേഹം പറഞ്ഞു.
മണ്ഡലം പ്രസിഡന്റ് കട്ടച്ചല്കുഴി ബി. രാധാകൃഷ്ണന്, കല്ലിയൂര് ഗ്രാമപഞ്ചായത്ത് പ്രസിഡന്റ് രാജലക്ഷ്മി, നേതാക്കളായ ഷിബു, ബിജു, ശ്രീകണ്ഠന്, ഉണ്ണി, വിജയമോഹിനി മില്സ് എച്ച്ആര് മാനേജര് ഷാജി തുടങ്ങിയവര് നേതൃത്വം നല്കി. നന്ദു കൃഷ്ണ, ഹരിലാല് തുടങ്ങിയവര് ക്ലാസുകള് കൈകാര്യം ചെയ്തു. വനിതകളടക്കം നൂറോളം പേര് പരിശീലനത്തില് പങ്കെടുത്തു.
ഡിജിറ്റല് ബാങ്കിംഗ് സേവനങ്ങളെക്കുറിച്ചുള്ള പരിശീലനം
മണ്ഡലം പ്രസിഡന്റ് ബി. രാധാകൃഷ്ണന് ഉദ്ഘാടനം ചെയ്യുന്നു
