പത്തനംതിട്ട: കള്ളപ്പണ സഹകരണ മുന്നണികള്ക്കെതിരെ ബിജെപി സംസ്ഥാന ജനറല് സെക്രട്ടറി എം.ടി.രമേശ് നയിക്കുന്ന ദക്ഷിണമേഖലാ പ്രചരണജാഥ 8,9 തീയതികളില് ജില്ലയില് പര്യടനം നടത്തുമെന്ന് ജില്ലാ പ്രസിഡന്റ് അശോകന് കുളനട പത്രസമ്മേളനത്തില് അറിയിച്ചു.
റേഷനരി പ്രതിസന്ധി, കൊലപാതക രാഷ്ട്രീയം, സഹകരണമേഖലാ സംരക്ഷണം എന്നീ വിഷയങ്ങളെ മുന്നിര്ത്തിയാണ് ജാഥ. 8ന് വൈകിട്ട് 5ന് തിരുവല്ലയില് നടക്കുന്ന സമ്മേളനം ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് ഉദ്ഘാടനം ചെയ്യും. 9ന് വൈകിട്ട് 3ന് അടൂരിലും, 4ന് റാന്നി ഇട്ടിയപ്പാറയിലും, 5ന് പത്തനംതിട്ടയിലും, 6ന് കോന്നിയിലും ജാഥയ്ക്ക് സ്വീകരണം നല്കും.
കോന്നിയില് നടക്കുന്ന സമാപന സമ്മേളനം ബിജെപി മുന് സംസ്ഥാന അദ്ധ്യക്ഷന് സി.കെ.പത്മനാഭന് ഉദ്ഘാടനം ചെയ്യും. വിവിധ സ്വീകരണ സമ്മേളനങ്ങളില് റിച്ചാര്ഡ്ഹേ എം.പി, സംസ്ഥാന നേതാക്കളായ വി.വി.രാജേഷ്, അഡ്വ.ജെ.ആര്.പത്മകുമാര്, അഡ്വ.പി.സുധീര്, രാജിപ്രസാദ് തുടങ്ങിയവരും പങ്കെടുക്കും. ജാഥയുടെ ജില്ലാ കണ്വീനര് വിജയകുമാര് മണിപ്പുഴയും പത്രസമ്മേളനത്തില് പങ്കെടുത്തു.
