നെടുമങ്ങാട്: നോട്ടുനിരോധനമല്ല പാവപ്പെട്ടവര്ക്ക് റേഷന് ലഭിക്കാത്തതാണ് ഇവിടുത്തെ യഥാര്ഥ പ്രശ്നമെന്ന് ബിജെപി സംസ്ഥാനപ്രസിഡന്റ് കുമ്മനം രാജശേഖരന്. റേഷന് ലഭിക്കാത്ത സാധാരണക്കാരുടെ ദുഃഖം മറച്ചുപിടിച്ച് നോട്ടിന്റെ പേരില് വ്യാജവാര്ത്തകളാണ് സിപിഎം സൃഷ്ടിക്കുന്നതെന്നും കുമ്മനം രാജശേഖരന് ആരോപിച്ചു. കാച്ചാണി വാര്ഡ് ഉപതെരഞ്ഞെടുപ്പിനോടനുബന്ധിച്ച് കാച്ചാണി ജംഗ്ഷനില് നടന്ന രാഷ്ട്രീയവിശദീകരണയോഗം ഉദ്ഘാടനം ചെയ്യുകയായിരുന്നു അദ്ദേഹം.
അതികഠിനമായ ജലദൗര്ലഭ്യമാണ് സംസ്ഥാനത്ത്
കാച്ചാണി വാര്ഡ് ഉപതെരഞ്ഞെടുപ്പിനോടനുബന്ധിച്ച് നടന്ന രാഷ്ട്രീയ വിശദീകരണയോഗം ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് ഉദ്ഘാടനം ചെയ്യുന്നു
അനുഭവപ്പെടുന്നത്. നാല്പ്പത്തിനാലോളം വരുന്ന ജലസ്രോതസുകളില് നാല്പ്പത്തിമൂന്നും വറ്റിവരണ്ടു. ഒമ്പത് ഹെക്ടര് ഭൂമിയുടെ പാട്ടക്കാലാവധികഴിഞ്ഞു. സംസ്ഥാനം മാറിമാറി ഭരിച്ച കോണ്ഗ്രസിനും ഇടതിനും ഇതിന്റെ ഉത്തരവാദിത്വത്തില് നിന്ന് ഒഴിഞ്ഞുമാറാനാകില്ല. നോട്ടിനെതിരെ വ്യാജനുണക്കഥകള് അഴിച്ചുവിട്ട് ജനങ്ങളെ വീണ്ടും പറ്റിക്കുകയാണ്. കള്ളപ്പണക്കാര്ക്ക് സംരക്ഷണം നല്കാന് എന്തിന് സാധാരണക്കാരായ ജനങ്ങള് കൂട്ടുനില്ക്കണമെന്നും അദ്ദേഹം ചോദിച്ചു. മണ്ഡലം പ്രസിഡന്റ് ബാലമുരളി അദ്ധ്യക്ഷത വഹിച്ച യോഗത്തില് ജില്ലാ പ്രസിഡന്റ് അഡ്വ എസ്. സുരേഷ്, ജില്ലാ സെക്രട്ടറി ബാലമുരളി, കല്ലയം വിജയകുമാര്, വെങ്ങാനൂര് ഗോപന്, അഡ്വ ബാജിരവീന്ദ്രന്, ചൂഴാല് നിര്മലന്, താന്നിമൂട് സൂധീന്ദ്രന്, മലയിന്കീഴ് രാജേഷ് എന്നിവര് സംബന്ധിച്ചു.
