എരുമേലി: വലിയ നടപ്പന്തലിനുള്ളിലെ കച്ചവട തടസ്സപ്പെടുത്തുന്നതിനെതിരെ ബൂത്ത് സെക്രട്ടറി നല്കിയ പരാതി അന്വേഷിക്കാനെത്തിയ ബിജെപി ജില്ലാ കമ്മറ്റിയംഗത്തെ ദേവസ്വം കരാറുകാര് കയ്യേറ്റം ചെയ്യാന് ശ്രമിച്ചതായി പരാതി. ഇന്നലെ രാത്രി ഏഴ് മണിയോടെയായിരുന്നു സംഭവം.
നടപ്പന്തലിനുള്ളിലെ കടകളിലെ കച്ചവടക്കാര് കടക്ക് പുറത്തിറങ്ങി കച്ചവടം നടത്തുന്നതു സംബന്ധിച്ച തര്ക്കത്തെ തുടര്ന്നാണ് ആമക്കുന്ന് ബൂത്ത് സെക്രട്ടറി കൊമ്പത്ത് ശശി പാര്ട്ടിക്ക് പരാതി നല്കിയത്. ഈ പരാതി അന്വേഷിക്കാനെത്തിയ ജില്ലാ കമ്മിറ്റയംഗം അനിയന് എരുമേലിയെ കരാറുകാരനായ വഴിമംഗലത്ത് വി. കെ. സോമരാജന് കയ്യേറ്റത്തിന് ശ്രമിക്കുകയായിരുന്നുവെന്നും അദ്ദേഹം പറഞ്ഞു.
ബൂത്ത് സെക്രട്ടറിയുടെ കടയുടെ സമീപത്തെ ചില കടകള് കരാര് എടുത്ത ഇവര് വന് തുകക്ക് മറ്റ് കച്ചവടക്കാര്ക്ക് മറിച്ച് കൊടുക്കുകയും ആ കടകളില് കച്ചവടം കൂടുതല് ലഭിക്കാനായാണ് ബൂത്ത് സെക്രട്ടറിയുടെ കടക്കെതിരെ ഇവര് പ്രശ്നങ്ങള് ഉണ്ടാക്കുന്നതെന്നും അനിയന് എരുമേലി പറഞ്ഞു. എന്നാല് വലിയ നടപ്പന്തലിനുള്ളിലെ കച്ചവടം മാന്യമായി ചെയ്യാന് കഴിയില്ലെങ്കില് കടകള് പൂര്ണ്ണമായും ഒഴിവാക്കണമെന്നും ഹിന്ദു ഐക്യവേദി താലൂക്ക് പ്രസിഡന്റ് എസ്. മനോജ്, ബിജെപി പഞ്ചായത്ത് കമ്മറ്റി പ്രസിഡന്റ് ഹരികൃഷ്ണന് എന്നിവര് പറഞ്ഞു.
