കോട്ടയം: മണ്പാത്ര നിര്മ്മാണ സമുദായസഭ സംഘടിക്കുകയും ശക്തരാകുകയും ചെയ്യുന്നതോടൊപ്പം സാമ്പത്തിക ഉന്നമനം ലക്ഷ്യമാക്കി പരിശ്രമിക്കണമെന്ന് ബിജെപി ദേശീയ സമിതിഅംഗം വി. മുരളീധരന് പറഞ്ഞു.
കോട്ടയത്ത് നടന്ന സഭയുടെ സംസ്ഥാന സമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. നിര്മ്മാണകല മനുഷ്യന്റെ വികസനവുമായി ബന്ധപ്പെട്ടതാണ്. ചരിത്രവികസനത്തിന്റെ ഭാഗമായ ഈ സമുദായത്തിന് അര്ഹമായ പരിഗണന ലഭിച്ചില്ല. ഔപചാരികമായ അംഗീകാരം ലഭിക്കാതിരുന്നതുകൊണ്ട് സമുദായം പാര്ശ്വവത്ക്കരിക്കപ്പെടുകയും ചെയ്തു. ഇന്ന് വിദ്യാഭ്യാസത്തിലൂടെ സമുദായം മുന്നേറുന്നതില് അഭിമാനിക്കുന്നു. ആധുനിക ലോകത്തെ കീഴടക്കാനുള്ള വിദഗ്ധ തൊഴില് നൈപുണ്യം നേടാന് വിദഗ്ധ പരിശീലനം നേടണം. അതിനുള്ള സൗകര്യമാണ് ഇപ്പോള് കേന്ദ്രസര്ക്കാര് ഒരുക്കിയിരിക്കുന്നതെന്നും കേന്ദ്രസര്ക്കാരിന്റെ സഹായങ്ങള് ലഭ്യമാക്കുവാന് വേണ്ട എല്ലാ സൗകര്യങ്ങളും ഒരുക്കിനല്കുമെന്നും അദ്ദേഹം പറഞ്ഞു.
മണ്പാത്രനിര്മ്മാണ സമുദായസഭയുടെ സംസ്ഥാന പ്രസിഡന്റ് ബി. സുഭാഷ് ബോസ് ആറ്റുകാല് അദ്ധ്യക്ഷത വഹിച്ചു. വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് യോഗം ഉദ്ഘാടനം ചെയ്തു. തിരുവഞ്ചൂര് രാധാകൃഷ്ണന് എംഎല്എ, മുന്സിപ്പല് ചെയര് പേഴ്സണ് ഡോ. പി.ആര്. സോന, സമുദായ ആദ്ധ്യാത്മികാചാര്യന്മാരായ ബാസവ രാജസ്വാമി, പ്രണവാനന്ദസ്വാമി, വിഷ്ണുപുരം ചന്ദ്രശേഖരന്, എസ്. കുട്ടപ്പന് ചെട്ടിയാര്, സി.കെ. ചാമിക്കുട്ടി, ഡോ. പ്രമീള മഹേഷ്, യു. ഭവാനി, പ്രൊഫ. രാജമ്മ പത്മനാഭന് തുടങ്ങിയവര് സംസാരിച്ചു.
