കാസര്കോട്: പ്രതിയെ പിടിക്കാനെന്ന മറവില് അര്ദ്ധ രാത്രിയില് വാതില് തകര്ത്ത് വീട് അതിക്രമിച്ച് കയറി വ്യദ്ധ ദമ്പതികലായ എം.അബൂബക്കറിനെയും ഭാര്യ ആയി,യെയും അക്രമിച്ച പോലീസുക്കാര്ക്കെതിരെ നടപടി വേണമെന്ന് ബിജെപി ജില്ലാ പ്രസിഡണ്ട് അഡ്വ. കെ.ശ്രീകാന്ത് ആവശ്യപ്പെട്ടു. നിസ്സാരമായ കേസില് പ്രതിയായ സുബൈറിനെ പിടികൂടാനെന്ന വ്യാജേന ഭരണ സ്വാധീനമുള്ള പരാതിക്കാരനെയും കൂൂട്ടി വീടിനകത്ത് അസ്സമയത്ത് അര്ദ്ധ രാത്രിയില് കയറി പിഞ്ചുക്കുഞ്ഞുങ്ങളുടെ മുന്പില് വച്ച് ഭീകരാന്തരീക്ഷം സ്യഷ്ടിച്ച് വീട് തകര്ത്ത സംഭവം മനുഷ്യത്വരഹിതവും ഹീനവുമായ പ്രവൃത്തിയാണ്. നഗ്നമായ മനുഷ്യാവകാശ ദ്രംശനമാണ് പോലീസുകാര് നടത്തിയത്. ഇക്കാര്യത്തില് സമഗ്രമായ അന്വേഷണം നടത്തി കുറ്റക്കാരായ പോലീസുകാര്ക്കെതിരെ കര്ശനമായ അച്ചടക്ക നടപടി സ്വികരിക്കണം. ഇവരെ സസ്പെന്ഡ് ചെയ്ത അന്വേഷണം നടത്തണമെന്നും നാശനഷ്ടം വരുത്തിയതിന് സംസ്ഥാന സര്ക്കാര് നഷ്ട പരിഹാരം നല്കണമെന്നും ശ്രീകാന്ത് ആവശ്യപ്പെട്ടു.
ബിജെപി ജില്ലാ പ്രസിഡണ്ട് അഡ്വ .കെ ശ്രീകാന്ത്, ജില്ലാ വൈസ് പ്രസിഡണ്ട് നഞ്ചില് കുഞ്ഞിരാമന്, യുവമോര്ച്ച ഉദുമ നിയോജക മണ്ഡലം പ്രസിഡണ്ട് പ്രദീപ് കൂട്ടക്കണ്ണി, തുടഞ്ഞിയവര് വീട് സന്ദര്ശിച്ചു.
