ലണ്ടന്: ഐഎസിന്റെ ഹിറ്റ് ലിസ്റ്റില്പ്പെട്ട കേള്വിശക്തി ഇല്ലാത്ത ആറുവയസുകാരനും കുടുംബവും രാഷ്ട്രീയാഭയം തേടി ബ്രിട്ടനില് .ഇറാക്ക് സ്വദേശിയായ ലവാന്ദ് ഹമദാമിന് എന്ന കുട്ടിയാണ് തങ്ങളെ ബ്രിട്ടനില് താമസിക്കാന് അനുവദിക്കണമെന്ന് ആവശ്യപ്പെട്ട് അവിടുത്തെ ആഭ്യന്ത്രര മന്ത്രാലയത്തിന് അപേക്ഷ നല്കിയിരിക്കുന്നത്.
ഇറാക്കില് ഭിന്നശേഷിയുള്ള എല്ലാ കുട്ടികളെയും മാരകമായ വിഷം കുത്തിവെച്ച് കൊല്ലുമെന്ന ഐഎസിന്റെ പ്രഖ്യാപനമാണ് ലവാന്ഡയുടെ ജീവന് ഭീഷണിയായിരിക്കുന്നത്. തുടര്ന്ന് ലവാന്ഡ് മാതാപിതാക്കളും സഹോദരനുമായി ബ്രിട്ടനിലെത്തി. അന്ധര്ക്കും ബധിരര്ക്കുമായുള്ള ബ്രിട്ടനിലെ റോയല് സ്കൂളില് പഠിക്കുകയാണ് ലവാന്ദിപ്പോള്.എന്നാല് ഇപ്പോള് കുടുംബം നാടുകടത്തല് ഭീഷണി നേരിടുകയാണ്.
അതേസമയം, 2017 ജനുവരി ഒമ്പതിനകം ജര്മനയിലേക്ക് പോവണമെന്ന് ലവാന്ദിനോടും കുടുംബത്തോടും ആവശ്യപ്പെട്ടിരിക്കുകയാണ്. എന്നാല്, തങ്ങള്ക്ക് സ്ഥിരമായി അഭയം നല്കണമെന്നാണ് ലവാന്ദിന്റെ അഭ്യര്ത്ഥന. ബ്രിട്ടനില് എത്തുന്നതിന് മുന്പ് ഡണ്ക്രികിലേയും ഫ്രാന്സിലേയും അഭയാര്ത്ഥി ക്യാമ്പുകളില് ലവാന്ദ് കഴിഞ്ഞിട്ടുണ്ട്. അതേസമയം ലവാന്ഡയുടെ കുടുംബത്തെ രാജ്യത്ത് തുടരാന് അനുവദിക്കണമെന്ന് റോയല് സ്കൂള് അധികൃതര് ബ്രിട്ടനിലെ ആഭ്യന്തര വകുപ്പിനോട് ആവശ്യപ്പെട്ടിട്ടുണ്ട്.
മകന് സ്കൂളില് മികച്ച രീതിയില് പുരോഗതി കൈവരിക്കുന്നുണ്ടെന്ന് അച്ഛന് റെബ്വാര് പറയുന്നു. ആദ്യം സ്കൂളില് എത്തിയപ്പോള് അവന് ആശയവിനിമയം സാധ്യമായിരുന്നില്ല, എന്നാല് ഇപ്പോള് അതിന് മാറ്റം വന്നിരിക്കുന്നു. സ്കൂളിനോട് എത്ര നന്ദിപറഞ്ഞാലും മതിയാവില്ല. ഞങ്ങളെ നാടുകടത്തിയാല് ഞങ്ങള്ക്ക് വേറെ വീടുണ്ടാകില്ല. മകനുണ്ടായ എല്ലാ പുരോഗതിയും അതോടെ ഇല്ലാതാകും. നിറകണ്ണുകളോടെ അച്ഛന് പറയുന്നു
