കണ്ണൂര്: കേരള ടൈനി ആന്റ് സ്മോള് ഇന്ഡസ്ട്രീസ് ഡവലപ്പ്മെന്റ് കൗണ്സില് ജില്ലാ കമ്മറ്റിയുടെ ആഭിമുഖ്യത്തില് നാളെ അസോസിയേഷന് മുന് അധ്യക്ഷന് കെ.എ.കുര്യന് മാസ്റ്ററുടെ 13-ാം അനുസ്മരണ യോഗവും ചെറുകിട വ്യവസായം നേരിടുന്ന പ്രശ്നങ്ങളും ചര്ച്ചയും പരിഹാര നിര്ദ്ദേശങ്ങളും എന്ന വിഷയത്തില് സെമിനാറും സംഘടിപ്പിക്കുമെന്ന് കൗണ്സില് ഭാരവാഹികള് വാര്ത്താസമ്മേളനത്തില് അറിയിച്ചു. കണ്ണൂര് പാര്ക്കന്സ് ഓഡിറ്റോറിയത്തില് 9.30 ന് നടക്കുന്ന അനുസ്മരണ യോഗത്തില് കേരള ടൈനി ആന്റ് സ്മോള് ഇന്ഡസ്ട്രീസ് ഡവലപ്പ്മെന്റ് കൗണ്സില് ജില്ലാ അധ്യക്ഷന് കെ.പി.ഭാഗ്യശീലന് ചാലാട് ,കെ.വി.പരമേശ്വരന് എന്നിവര് അനുസ്മരണ പ്രഭാഷണം നടത്തും. ജില്ലാ വൈസ് പ്രസിഡണ്ട് കെ.പി.ജനാര്ദ്ദനന് അധ്യക്ഷത വഹിക്കും. തുടര്ന്ന് 11 മണിക്ക് വ്യവസായ സെമിനാര് നടക്കും. കണ്ണൂര് മുന്സിപ്പല് കോര്പ്പറേഷന് കൗണ്സിലര് അഡ്വ.ലിഷാ ദീപക് ഉദ്ഘാടനം ചെയ്യും. വിവിധ സെഷനുകളിലായി അഡ്വ.കെ.ബാബു, പി.ജെ.അരുണ്, എം.വി.കൃഷ്ണന്, ഡി.രാജേന്ദ്രന് എന്നിവര് വിവിധ വിഷയങ്ങളില് ക്ലാസ്സെടുക്കും. വാര്ത്താ സമ്മേളനത്തില് കെ.പി.ഭാഗ്യശീലന്, കാരായി ദിവാകരന്, കെ.സുമേഷ് ബാബു, എ.ജയരാജന്, കെ.ബാബുരാജ് എന്നിവര് പങ്കെടുത്തു.
അനുസ്മരണ യോഗവും സെമിനാറും നാളെ
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.