പത്തനാപുരം: സ്കൂള് കെട്ടിടത്തിന്റെ മുകളില് നിന്നും താഴേക്ക് ചാടി വിദ്യാര്ത്ഥി ആത്മഹത്യക്ക് ശ്രമിച്ചു. പത്തനാപുരം മഞ്ഞക്കാല ഇന്ദിരാഗാന്ധി മെമ്മോറിയല് വെക്കേഷണല് ഹയര്സെക്കണ്ടറി സ്കൂളിലെ വിഎച്ച്എസ്സി രണ്ടാംവര്ഷ ഇലക്ട്രിക് വിഭാഗം വിദ്യാര്ത്ഥി വിദിന് കൃഷ്ണനാണ് ആത്മഹത്യയ്ക്ക് ശ്രമിച്ചത്. കുന്നിക്കോട് പറയംകോട് നിധിന് ഭവനില് വിക്രമന്റെ മകനാണ്. വെള്ളിയാഴ്ച രാവിലെ 8.45ന് സ്കൂളിലെത്തിയ വിദ്യാര്ത്ഥി മൂന്ന് നില കെട്ടിടത്തിന്റെ മുകളില്നിന്നും താഴേക്ക് ചാടുകയായിരുന്നു. ശബ്ദം കേട്ട് സഹപാഠികളാണ് ആദ്യം ഓടിയെത്തിയത്. പരീക്ഷയായതിനാല് കുറച്ചു വിദ്യാര്ത്ഥികള് മാത്രമേ സ്കൂളില് ഉണ്ടായിരുന്നുളളൂ. തുടര്ന്ന് അധ്യാപകരെ വിവരമറിയിച്ചു. രക്തം വാര്ന്ന് നിലത്തുകിടന്ന വിദിനെ ആദ്യം പുനലൂര് താലൂക്കാശുപത്രിയിലെത്തി പ്രാഥമികചികിത്സ നല്കിയ ശേഷം തിരുവനന്തപുരം മെഡിക്കല് കേളേജില് പ്രവേശിപ്പിച്ചു.’ഇതിന് മറ്റാരും ഉത്തരവാദികളല്ല എന്ന് വിദിന് എഴുതിയ കത്ത് അധ്യാപകര് പോലീസിന് കൈമാറി. സംഭവ സ്ഥലത്തു നിന്നാണ് അധ്യാപകര്ക്ക് കത്ത് ലഭിച്ചത്. വീഴ്ചയില് ഗുരുതരപരിക്ക് പറ്റിയ വിദിന് തീവ്രപരിചരണ വിഭാഗത്തിലാണ്. കുന്നിക്കോട് പോലീസ് സ്കൂളിലെത്തി അന്വേഷണം ആരംഭിച്ചു.
സ്കൂളില് വിദ്യാര്ത്ഥിയുടെ ആത്മഹത്യാ ശ്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.