വെള്ളറട: സിപിഎമ്മിന്റെ ഗുണ്ടാ ആക്രമണത്തില് ആര്എസ്എസ് ഖണ്ഡ് വ്യവസ്ഥാപ്രമുഖിനും കര്ഷകമോര്ച്ച മണ്ഡലം പ്രസിഡന്റിനും പരിക്ക്. ആനാവൂരില് വച്ചാണ് ആര്എസ്എസ് വെള്ളറട വ്യവസ്ഥ പ്രമുഖ് ആര്.വിനോദിനെ ഇരുപതോളം വരുന്ന ഡിവൈഎഫ്ഐ ഗുണ്ടകള് ആക്രമിച്ചത്. വിനോദ് മാരകമായ പരിക്കുകളോടുകൂടി കാരക്കോണം മെഡിക്കല് കോളേജ് ഹോസ്പിറ്റലില് ചികിത്സയിലാണ്.
ഇതിനു ശേഷം നാറാണിയില് കര്ഷകമോര്ച്ചയുടെ മണ്ഡലം പ്രസിഡന്റ് നാറാണി സുധാകരനെ ഇരുപതോളം വരുന്ന ഡിവൈഎഫ്ഐ പ്രവര്ത്തകര് ആക്രമിക്കുകയായിരുന്നു. സുധാകരനെയും കാരക്കോണം മെഡിക്കല് കോളേജില് പ്രവേശിപ്പിച്ചു. കഴിഞ്ഞ കുറെ കാലങ്ങളായി വെള്ളറട ആനാവൂര് ഭാഗത്തു ബിജെപി, ആര്എസ്എസ് പ്രവര്ത്തകരെ തെരഞ്ഞു പിടിച്ചു ആക്രമിക്കുന്നത് പതിവാണ.്
സിപിഎം ജില്ലാ സെക്രട്ടറിയുടെ സ്വന്തം നാട്ടില് മറ്റൊരു പാര്ട്ടിക്കാരെയും ജീവിക്കാന് അനുവദിക്കില്ല എന്നാ ഭാവത്തിലാണ് ആനാവൂര് നാഗപ്പന്റെ നേതൃത്വത്തില് ഈ അക്രമങ്ങള് അഴിച്ചു വിടുന്നത്. സംഭവത്തില് പ്രതിഷേധിച്ച് ബിജെപി പാറശ്ശാല നിയോജക മണ്ഡലത്തിന്റെ പ്രതിഷേധ പ്രകടനം പാലിയോട് നിന്നും ആരംഭിച്ച് മണവാരി ജംഗ്ഷനില് സമാപിച്ചു. ബിജെപി ജില്ലാ ജനറല് സെക്രട്ടറി ബിജു ബി. നായര് ഉദ്ഘാടനം ചെയ്തു. പാറശ്ശാല മണ്ഡലം പ്രസിഡന്റ് കൊല്ലയില് അജിത,് മണ്ഡലം ജനറല് സെക്രട്ടറി അരുവിയോട് സജി, യുവമോര്ച്ച സംസ്ഥാന സമിതി അംഗം മണവാരി രതീഷ്, ആര്എസ്എസ് ഖണ്ഡ് കാര്യവാഹ് അജീഷ്, കുന്നത്തുകാല് പഞ്ചായത്ത് പ്രസിഡന്റ് മാണിനാട് ശ്രീകുമാര്, പഞ്ചായത്ത് ജനറല് സെക്രട്ടറി ആനാവൂര് ശ്രീകണ്ഠന്, ചൂണ്ടിക്കല് ഹരി തുടങ്ങിയവര് നേതൃത്വം നല്കി. ബി ജെപി കുന്നത്തുകാല് പഞ്ചായത്ത് പ്രതിഷേധമറിയിച്ച് കുന്നത്തുകാലില് നിന്നും നാറാണി ജംഗ്ഷന്വരെ പ്രതിഷേധ പ്രകടനം നടത്തി.
ബിജെപി മണ്ഡലം പ്രസിഡന്റ് കൊല്ലയില് അജിത് ഉദ്ഘാടനം നിര്വഹിച്ചു. കുന്നത്തുകാല് പഞ്ചായത്ത് പ്രസിഡന്റ് മാണിനാട് ശ്രീകുമാര് അധ്യക്ഷത വഹിച്ചു. ബിജെപി സംസ്ഥാന കൗണ്സില് അംഗം മഞ്ചവിളാകം കാര്ത്തികേയന്, മണ്ഡലം ജനറല് സെക്രട്ടറി അരുവിയോട് സജി, ഇഞ്ചിവിള്ള അനി, മാണിനാട് സജി, മാണിനാട് സന്തോഷ്, വണ്ടിത്തടം ദിലീപ് തുടങ്ങിയവര് സംസാരിച്ചു.
