സിപിഎം ഭീകരതയ്ക്കെതിരെ കരണിയില് നടത്തിയ വിശദീകരണയോഗത്തില്
ബിജെപി സംസ്ഥാന സമിതിയംഗം അഡ്വ. കേശവനാഥ് പ്രസംഗിക്കുന്നു
കരണി : ദേശീയതക്കെതിരെയും ദേശസ്നേഹത്തിനെതിരിയും സ്വന്തം പ്രവര്ത്തകര്ക്കെതിരെയും അക്രമം അഴിച്ചുവിട്ടവരാണ് കമ്മ്യൂണിസ്റ്റ് പാര്ട്ടിയെന്ന് ബിജെപി സംസ്ഥാന സമിതിയംഗം അഡ്വക്കറ്റ് കേശവനാഥ്. മാര്കിസ്റ്റ് അക്രമവിരുദ്ധ ജനകീയ സമിതിയുടെ നേതൃത്വത്തില് കേരളത്തില് അങ്ങോളമിങ്ങോളം നടക്കുന്ന കമ്മ്യൂണിസ്റ്റ് അക്രമത്തിനെതിരായി കരണിയില് നടത്തിയ വിശദീകരണയോഗത്തില് പ്രസംഗിക്കുകയായിരുന്നു അദ്ദേഹം.
സംഘപരിവാര് സംഘടനാ പ്രവര്ത്തകരെ കൊന്നുനശിപ്പിക്കാമെന്നത് സിപിഎമ്മിന്റെ വ്യാമോഹം മാത്രമാണ്. സഹനത്തിലൂടെ വളര്ന്ന പ്രസ്ഥാനമാണ് ആര്എസ്എസ്. ആശയപരമായി കോണ്ഗ്രസ്സും മാര്കിസ്റ്റും ഒന്നായപ്പോള് കേരളത്തില് യഥാര്ത്ഥ പ്രതിപക്ഷമമായി ബിജെപി മാറിക്കഴിഞ്ഞ തായും അഡ്വ. കേശവനാഥ് പറഞ്ഞു.
ബിജെപി കല്പ്പറ്റ മണ്ഡലം വൈസ്പ്രസിഡന്റ് കെ.അനന്തന് അദ്ധ്യക്ഷന് വഹിച്ചു. എസ്സി-എസ്ടി മോര്ച്ച സംസ്ഥാന സെക്രട്ടറി മുകുന്ദന് പള്ളിയറ, ക്ഷേത്ര സംരക്ഷണ സമിതി ജില്ലാ സെക്രട്ടറി സുരേഷ് ബാബു, ബിജെപി കണിയാമ്പറ്റ പഞ്ചായത്ത് കമ്മിറ്റി ജനറല് സെക്രട്ടറി സന്തോഷ് പൂന്തോട്ടം, ബിജെപി കല്പ്പറ്റ മണ്ഡലം നിയോജക മണ്ഡലം വൈസ്പ്രസിഡന്റ് കെ.എം. ഹരി, വിനോദ് കരണി തുടങ്ങിയവര് പ്രസംഗിച്ചു.
