പയ്യന്നൂര്: ശ്രീനാരായണ ദര്ശനം അദ്വൈത ചിന്ത തന്നെയായിരുന്നുവെന്നും അദ്വൈത പ്രചാരണത്തിനുള്ള ഉപാധി എന്ന നിലയിലാണ് അദ്ദേഹം ജാതിഭേദ നിര്മ്മാര്ജനത്തെ കണ്ടതെന്നും പ്രശസ്ത ആധ്യാത്മിക പ്രഭാഷകനും ചിന്തകനുമായ ടി.കെ.ഈശ്വരന് പറഞ്ഞു. ഭാരതീയ വിചാരകേന്ദ്രം പയ്യന്നൂര് സ്ഥാനീയ സമിതിയില് പ്രബന്ധാവതരണം നടത്തുകയായിരുന്നു അദ്ദേഹം. സാമൂഹ്യ സമരസതയുടെ സന്ദേശം ശ്രീനാരായണ ദര്ശനത്തില് എന്നതായിരുന്നു വിഷയം. ഭാരതീയ ചിന്തയായ ആധ്യാത്മിക ഉയര്ച്ചയും ആത്മസാക്ഷാത്കാരവും സാമാന്യജനങ്ങളിലേക്കെത്തിക്കാനുള്ള അറിവുകളാണ് ഗുരുദേവന് പകര്ന്നു തന്നതെന്നും അദ്ദേഹം കൂട്ടിച്ചേര്ത്തു. അഡ്വ.പി.പി.സന്ദീപ് കുമാറിന്റെ അധ്യക്ഷതയില് ചേര്ന്ന സമ്മേളനത്തില് കാഞ്ഞങ്ങാട് നെഹ്റു കോളേജ് ചരിത്ര വിഭാഗം അധ്യാപകന് പ്രൊഫ.സി.പി.രാജീവന് ഉദ്ഘാടനം ചെയ്തു. പ്രശാന്ത് ബാബു കൈതപ്രം സ്വാഗതവും അഡ്വ.പി.അനില്കുമാര് നന്ദിയും പറഞ്ഞു.
ശ്രീനാരായണ ദര്ശനം അദ്വൈത ചിന്ത: ടി.കെ.ഈശ്വരന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.