കൊച്ചി:ദേശീയത വിട്ട് മലയാളസാഹിത്യത്തിന് അസ്തിത്വമില്ലെന്ന് പ്രൊഫ.സി എന് രത്നം.എറണാകുളത്തപ്പന് മൈതാനത്ത് കൊച്ചി അന്താരാഷ്ട്ര പുസ്തകോത്സവവേദിയില് ‘ദേശീയത മലയാള സാഹിത്യത്തില്’സെമിനാറില് അധ്യക്ഷപ്രസംഗം നടത്തുകയായിരുന്നു അവര്. സമൂഹനന്മ ലക്ഷ്യമിട്ട് ദേശീയോദ്ഗ്രഥനത്തിലൂന്നിയുള്ളതാണ് മലയാള സാഹിത്യം.ദേശീയതയും വിശാലമനസ്കതയും ഇത്രയും ഉള്ക്കൊണ്ട സംസ്ഥാനം കേരളം പോലെ മറ്റൊന്നില്ല.മലയാളത്തിലുണ്ടായ ഇത്രയ്ക്കധികം തര്ജ്ജമകള് അതാണ് വ്യക്തമാക്കുന്നതെന്നും പ്രൊഫ.രത്നം അഭിപ്രായപ്പെട്ടു.
ദേശീയത എന്ന വികാരം കവിതകളില് ആവാഹിക്കാന് മഹാകവി വള്ളത്തോളിനോളം മലയാളത്തില് മറ്റാര്ക്കും കഴിഞ്ഞിട്ടില്ലെന്ന് ‘വള്ളത്തോള് കൃതികളിലെ ദേശീയത’പ്രബന്ധം അവതരിപ്പിച്ച ഡോ.അംബിക എ നായര് പറഞ്ഞു.ദേശീയത ഇല്ലാത്ത വള്ളത്തോള് കവിതകള് തിരയുന്നത് വിഡ്ഢിത്തമാകും.ദേശീയത തൊടാതെ അദ്ദേഹം ഒന്നും എഴുതിയിട്ടില്ല.ആര്ഷ സംസ്കാരത്തില് പരുവപ്പെട്ട കവിയാണ് വള്ളത്തോളെന്നും ഡോ.അംബിക അഭിപ്രായപ്പെട്ടു.
ജ്ഞാനപ്പാനയിലെ പൂന്താനത്തിന്റെ ഭാരതവര്ണന ദേശീയതയില് കേരളത്തിന്റെ പാരമ്പര്യവും ആഴവും വെളിപ്പെടുത്തുന്നതാണെന്ന് എം ജെ ജയശ്രീ പറഞ്ഞു.’രാഷ്ട്രചിന്ത ജ്ഞാനപ്പാനയില്’എന്ന പ്രബന്ധം അവതരിപ്പിക്കുകയായിരുന്നു അവര്.ഇന്ത്യന് സംസ്കാരത്തിനനുസൃതമായി രാഷ്ട്രം എന്നതിന് ശരിയായ വിവര്ത്തനം ഒരുഭാഷയിലുമില്ലെന്ന് സിന്ധി ഭാഷ പ്രൊമോഷന് ദേശീയ കൗണ്സില് ഡയറക്ടര് ഡോ.രവിപ്രകാശ് ടെക്ചന്ദാനി പ്രഭാഷണത്തില് പറഞ്ഞു.എന് പി ശശിധരന്,കെ കെ വിജയന് എന്നിവരും സംസാരിച്ചു.
