കല്പ്പറ്റ : പിക്കപ്പ് ജീപ്പില് പച്ചക്കറി കച്ചവടം നടത്തുന്നതിന്റെ മറവില് കഞ്ചാവ് കച്ചവടം വില്പ്പന നടത്തുന്ന യുവാവിനെ പോലീസ് പിടികൂടി. കല്പ്പറ്റ മണിയങ്കോട് പാറക്കുന്നില് ബൈജു ലാല് എന്ന ബൈജു(35) വിനെയാണ് അറസ്റ്റ് ചെയ്തത്. ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില് കല്പ്പറ്റ ഡീ പോള് സ്കൂളിന്റെ സമീപം വെച്ച് ഒരുകിലോ 80 ഗ്രാം കഞ്ചാവു സഹിതം ഈയാളെ പിടികൂടിയത്. ജില്ലയില് സ്ഥിരമായി കഞ്ചാവ് ചില്ലറ വില്പ്പന നടത്തിവന്ന ബൈജുലാല് പോലീസിന്റെ നിരീക്ഷണം ശക്തമാക്കിയതിനെ തുടര്ന്ന് കല്പ്പറ്റ ചുങ്കം, അടിവാരം, ഈങ്ങാപ്പുഴ എന്നിവിടങ്ങളില് പിക്കപ്പ് ജീപ്പില് മൈസൂരില് നിന്നും പച്ചക്കറി കൊണ്ടുവന്ന് വില്പ്പന നടത്തുന്ന ജോലി ചെയ്തുവരുകയായിരുന്നു. ഇതിന്റെ മറവിലാണ് കഞ്ചാവ് വില്പ്പനയും സ്ക്രിയമാക്കിയത്. കല്പ്പറ്റ എസ്.ഐ. എ.യു.ജയപ്രകാശും, ജില്ലാ പോലീസ് മേധാവിയുടെ പ്രത്യേക സ്ക്വാഡ് അംഗങ്ങളായ എ.എസ്.ടള ജയചന്ദ്രന്, സീനിയര് സിവില് പോലീസ് ഉദ്യോഗസ്ഥരായ പ്രമോദ്, സലീംകുമാര്, സിവില് പോലീസ് ഉദ്യോഗസ്ഥരായ അബ്ദുറഹിമാന്, പദ്മകുമാര്, ഹക്കീം, ഉസ്മാന്, കല്പ്പറ്റ പോലീസ് സ്റ്റേഷനിലെസീനിയര് സിവില് പോലീസ് ഉദ്യോഗസ്ഥരായ ദാമോദരന്, പോലീസ് ഡ്രൈവറായ മുഹമ്മദാലി എന്നിവരടങ്ങിയ സംഘമാണ് പ്രതിയെ വലയിലാക്കിയത്. പ്രതിയെ വടകര നാക്കോട്ടിക് കോടതിയില് ഹാജരാക്കും.
പച്ചക്കറി വില്പ്പനയുടെ മറവില് കഞ്ചാവ് കച്ചവടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.