ബത്തേരി : മഴക്കുറവിനെ തുടര്ന്ന് രൂപപ്പെട്ട ജലക്ഷാമവും വരള്ച്ചാ സാഹചര്യവും നേരിടാന് സര്ക്കാര് നടപ്പാക്കുന്ന പ്രതിരോധ പദ്ധതികളില് ജില്ലയിലെ വനത്തിനുളളിലെ ചതുപ്പുകളേയും പരിഗണിക്കണമെന്ന് ആവശ്യമുയരുന്നു. വനത്തിനുളളില് വെളളവും തീറ്റയും കിട്ടാതാകുമ്പോഴാണ് വനജീവികള് കൂട്ടത്തോടെ കാടിറങ്ങുന്നത്. പുരാതന ജനവാസകേന്ദ്രങ്ങളും അതുമായി ബന്ധപ്പെട്ട ചിറകളും കുളങ്ങളും തലക്കുളങ്ങളും ഉള്പ്പെടുന്നതാണ് ഇന്നത്തെ വയനാടന് വനമേഖല. തീറ്റയും വെളളവും തേടിയെത്തുന്ന കാട്ടാനക്കൂട്ടങ്ങളും പന്നിയുമെല്ലാം വേനല് രൂക്ഷമാകുന്നതോടെ നെല്പാടങ്ങളെ ലക്ഷ്യംവച്ചാണ് കാടിറങ്ങുന്നത്. കാടിനുളളില്തന്നെ സ്ഥിരമായി ജല ലഭ്യത ഉറപ്പുവരുത്തിയാല് വ ന്യമൃഗങ്ങളുടെ കാടിറക്കം ഒരുപരിധിവരെ കുറയാന് കാരണമാകും. രണ്ടാംലോകമഹായുദ്ധകാലത്ത് ബ്രിട്ടന്റെ കോളനികളിലുണ്ടായ രൂക്ഷമായ ഭക്ഷ്യക്ഷാമം പരിഹരിക്കുന്നതിന് വയനാടന് വനാന്തരങ്ങളിലെ ചതുപ്പുനിലങ്ങളെ ഉപയോഗപ്പെടുത്തിയതിന്റെ മാതൃക ഇവിടേയും ഉപയോഗപ്പെടുത്താവുന്നതാണ്. വനത്തിലെ ചതുപ്പുകള് നെല്കൃഷി നടത്താന് കര്ഷകര്ക്ക് പാട്ടത്തിന്കൊടുക്കുകയായിരുന്നു ബ്രിട്ടീഷ്ഭരണകൂടം. ഇന്നും ജില്ലയിലെ വനത്തിനുളളില്കഴിയുന്ന പാട്ടകര്ഷകര് ആ ഗണത്തില്പ്പെട്ടവരുടെ പിന്മുറക്കാരാണ്. അന്നത്തെ ജനങ്ങ ള്ക്കാവശ്യമുളളതിലേറെ ധാന്യങ്ങള് ഉത്പ്പാദിപ്പിക്കാ ന് സഹായിച്ച പദ്ധതിയായിരുന്നു അത്. പാരിസ്ഥിതിക പ്രതിസന്ധിക്ക് പരിഹാരം കാണാന് പുതിയരൂപത്തില് വയനാടന് ചതുപ്പുകള് ഉപയോഗപ്പെടുത്തുന്നതിനെക്കുറിച്ച് ജില്ലാ ഭരണകൂടവും മറ്റും ഗൗരവമായി ചിന്തിക്കേണ്ട സമയമാണിതെന്നും കര്ഷകര് പറയുന്നു.
