കണ്ണൂര്: അടുത്ത വര്ഷം ഫെബ്രുവരി ആദ്യ വാരം കണ്ണൂരില് നടക്കുന്ന ആയുര്വേദ മെഡിക്കല് അസോസിയേഷന് ഓഫ് ഇന്ത്യയുടെ 38-ാമത് വാര്ഷിക കൗണ്സിലിന്റെ ഭാഗമായി ഡിസംബര് മൂന്ന്, നാല് തീയതികളില് ആയുര് എക്സ്പോ 2016 സംഘടിപ്പിക്കുന്നു. കണ്ണൂര് ടൗണ് സ്ക്വയറില് രാവിലെ ഒമ്പത് മുതല് വൈകുന്നേരം ആറു വരെയാണ് പ്രദര്ശനം. മൂന്നിന് രാവിലെ 9.30 ന് പി.കെ.ശ്രീമതി എം.പി എക്സ്പോയും മെഡിക്കല് ക്യാംപ് കെ.കെ.രാഗേഷ് എം.പിയും ഉദ്ഘാടനം ചെയ്യും. ലോഗോ പ്രകാശനം കണ്ണൂര് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് നിര്വഹിക്കും. കണ്ണൂര്, കാസര്കോട്, കോഴിക്കോട്, എന്നീ ജില്ലകളില് നിന്നുള്ള ആയുര്വേദ കോളജ്, ദേശീയ ആരോഗ്യ ദൗത്യം, ഭാരതീയ ചികിത്സാ വകുപ്പ് എന്നിവര് ചേര്ന്നാണ് എക്സിബിഷന് സംഘടിപ്പിക്കുന്നത്. ഔഷധ സസ്യങ്ങളുടെ പ്രദര്ശനം, ജീവിതശൈലി രോഗങ്ങളുടെ പ്രതിരോധം, നല്ല ഭക്ഷണശീലം, പ്രകൃതിദത്ത ഭക്ഷണങ്ങളുടെ പ്രദര്ശനം എന്നിവ എക്സിബിഷനില് ഒരുക്കും. വാര്ത്താ സമ്മേളനത്തില് സ്വാഗതസംഘം ജനറല് കണ്വീനര് ഡോ.അജിത് കുമാര്, വര്ക്കിങ് ചെയര്മാന് ഡോ.പി.മോഹനന്, യു.പി.ബിനോയ്, ഡോ.പ്രിയാ ബാലന് എന്നിവര് പങ്കെടുത്തു.
ആയുര് എക്സ്പോ-16 മൂന്ന് മുതല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.