ചേര്ത്തല: റവന്യു ജില്ല കായികമേളയ്ക്ക് സെന്റ് മൈക്കിള്സ് കോളജ് ഗ്രൗണ്ടില് തുടക്കമായി. മന്ത്രി പി. തിലോത്തമന് ഉദ്ഘാടനം ചെയ്തു. കായികനയം രൂപീകരിക്കുന്നതിനുള്ള സര്ക്കാര് നടപടികള് അവസാന ഘട്ടത്തിലാണെന്നും ഇത് സംബന്ധിച്ചുള്ള പ്രഖ്യാപനം ഉടനുണ്ടാകുമെന്നും മന്ത്രി പറഞ്ഞു. എ.എം. ആരീഫ് എംഎല്എ അദ്ധ്യക്ഷത വഹിച്ചു.
നഗരസഭ ചെയര്മാന് ഐസക് മാടവന മുഖ്യപ്രഭാഷണം നടത്തി. ജില്ല പഞ്ചായത്ത് പ്രസിഡന്റ് ജി. വേണുഗോപാല് കായിക താരങ്ങള്ക്കുള്ള ജഴ്സികള് വിതരണം ചെയ്തു. ഡിഡിഇ വി. അശോകന്, ജില്ല പഞ്ചായത്ത് അംഗം ജമീല പുരുഷോത്തമന്, ഡിഇഒ എം.ജെ. സുനില്, എഇഒ എം.വി. സുഭാഷ്, കോളജ് മാനേജര് ഫാ. സെലസ്റ്റിന് പുത്തന്പുരയ്ക്കല്, കഞ്ഞിക്കുഴി ബ്ലോക്ക് പഞ്ചായത്തംഗം ടി.എസ്. രഘുവരന്, പഞ്ചായത്ത് അംഗം രജിമോള്, വി.ഇ.ആര്. മഹിളാമണി, ജോണ് ബോസ്കോ, ജോയി ആന്റണി, ജാബിര്കുഞ്ഞ് ആശാന്, പി.പി.എ. ബേക്കര് എന്നിവര് സംസാരിച്ചു. മേള ഇന്ന് സമാപിക്കും.
വൈകിട്ട് നാലിന് ചേരുന്ന സമാപന സമ്മേളനം കഞ്ഞിക്കുഴി ബ്ലോക്ക് പഞ്ചായത്ത് പ്രസിഡന്റ് സിനിമോള് സോമന് ഉദ്ഘാടനം ചെയ്യും. ചേര്ത്തല തെക്ക് പഞ്ചായത്ത് പ്രസിഡന്റ് വി.എ. സേതുലക്ഷ്മി അദ്ധ്യക്ഷത വഹിക്കും. ജില്ലാ പഞ്ചായത്ത് വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് കെ.ടി. മാത്യു സമ്മാനദാനം നിര്വഹിക്കും.
