ഉപ്പള: വരുന്ന 2019ലെ ലോകസഭ തെരഞ്ഞെടുപ്പില് എന്ഡിഎ സംഖ്യം കേരളത്തില് നിര്ണ്ണായക ശക്തിയായി മാറുമെന്ന് ബിജെപി സംസ്ഥാന സഹ സംഘടന സെക്രട്ടറി കെ.സുഭാഷ് പറഞ്ഞു. മൂന്ന് ദിവസമായി നടന്ന് വരുന്ന പണ്ഡിറ്റ് ദീനദയാല് ഉപാദ്ധ്യായ ജില്ല പ്രവര്ത്തക ശിബിരത്തിന്റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ബിജെപി അനുദിനം വളര്ന്നു കൊണ്ടിരിക്കുകയാണ്. രാഷ്ട്രീയ സമവാകൃങ്ങള് മനസ്സിലാക്കി പ്രവര്ത്തകര് അവരവരുടെ കര്മ്മ മണ്ഡലങ്ങളില് കൂടുതല് ഊന്നല് നല്കണം.
2019ലെ ലോകസഭ തെരഞ്ഞെടുപ്പ് കേരളത്തിലെ ബിജെപി പ്രവര്ത്തകരെ സംബന്ധിച്ച് നിര്ണ്ണായകമാണ്. അതിനാല് പ്രവര്ത്തകര് പൂര്ണ്ണ സജ്ജരാകണമെന്ന് അദ്ദേഹം ആഹ്വാനം ചെയ്തു. കേരളത്തിലെ മാറുന്ന രാഷ്ട്രീയ അന്തരീക്ഷത്തില് ഒരു മുന്നാം ബദലായി ജനങ്ങള് പ്രതീക്ഷയര്പ്പിക്കുന്നത് എന്ഡിഎ സഖ്യത്തിലാണ്. അഴിമതിയും സ്വദനപക്ഷപാതവും കൊണ്ട് വീര്പ്പ് മുട്ടി നില്ക്കുന്ന കേരള ജനതയെ രക്ഷിക്കുകയെന്ന ഭാരിച്ച ഉത്തരവാദിത്വമാണ് നമ്മുടെ മുന്നിലുള്ളത്. ദേശീയതയുടെ മാറ്റത്തിന്റെ കൂടെ കേരളത്തെ കൈപിടിച്ച് നടത്തുവാന് ബിജെപിക്കേ കഴിയുവെന്ന് അദ്ദേഹം കൂട്ടിച്ചേര്ത്തു. യോഗത്തില് ജില്ല പ്രസിഡന്റ് അഡ്വ.കെ.ശ്രീകാന്ത് അദ്ധ്യക്ഷത വഹിച്ചു. സംസ്ഥാന വൈസ് പ്രസിഡന്റ് പ്രമീള സി.നായക്, സംസ്ഥാന സമിതി അംഗങ്ങളായ വി.വി.ചന്ദ്രന്, രവീശതന്ത്രി കുണ്ടാര്, എന്.പി.രാധാകൃഷ്ണന്, വി.ബാലകൃഷ്ണ ഷെട്ടി എന്നിവര് സംബന്ധിച്ചു. ജില്ല ജന സെക്രട്ടറി എ.വേലായുധന് സ്വാഗതവും മഞ്ചേശ്വരം മണ്ഡലം ജനറല് സെക്രട്ടറി ആദര്ശ് മഞ്ചേശ്വരം നന്ദിയും പറഞ്ഞു.
