കൊച്ചി: ദുബായ് പോര്ട്ടിന്റെ സുരക്ഷ സിഐഎസ്എഫിനെ ഏല്പ്പിക്കണമെന്നാവശ്യപ്പെട്ട് വല്ലാര്പാടം കണ്ടെയ്നര് ടെര്മിനലിലേക്ക് ബിജെപി ജില്ലാ കമ്മിറ്റിയുടെ നേതൃത്വത്തില് പ്രതിഷേധമാര്ച്ച് നടത്തി. പോര്ട്ടിന്റെ സുരക്ഷ സ്വകാര്യ ഏജന്സിയെ ഏല്പ്പിച്ചിരിക്കുന്നത് രാജ്യ സുരക്ഷയ്ക്ക് ഭീഷണിയാണ്.
പോലീസ് വെരിഫിക്കേഷന് പോലും നടത്താതെ അന്യസംസ്ഥാന തൊഴിലാളികളെ നാമമാത്രമായ ശമ്പളം നല്കി സുരക്ഷാ ചുമതല നല്കിയിരിക്കുന്നത് കള്ളക്കടത്തുകാരേയും മറ്റും സഹായിക്കുന്നതിനു വേണ്ടിയാണ്. സിഐഎസ്എഫിനെ നിയോഗിച്ചാല് അവരുടെ ശമ്പളത്തിനും മറ്റും ചിലവാകുന്ന തുക ദുബായ് പോര്ട്ട് നല്കണം. പോര്ട്ടിന്റെ ചുമതല സിഐഎസ്എഫിനെ ഏല്പിക്കുന്നതുവരെ ഈ സമരവുമായി മുന്നോട്ടു പോകുമെന്നും പ്രതിഷേധമാര്ച്ച് ഉദ്ഘാടനം ചെയ്ത് ബിജെപി ജില്ലാ പ്രസിഡന്റ് എന്.കെ.മോഹന് ദാസ് പറഞ്ഞു.
ബിജെപി മദ്ധ്യമേഖലാ ജനറല് സെക്രട്ടറി എന്.പി.ശങ്കരന്കുട്ടി, ബിജെപി ജില്ലാ ജനറല് സെക്രട്ടറി അഡ്വ.കെ.എസ്.ഷൈജു, ജില്ലാ വൈസ് പ്രസിഡന്റ് എന്.എം.വിജയന്, ബിജെപി വൈപ്പിന് മണ്ഡലം പ്രസിഡന്റ് വി.വി.അനില്, ജനറല് സെക്രട്ടറിമാരായ അഡ്വ.എം. എന് വേദരാജ്, എന്.എം.രവി തുടങ്ങിയവര് പ്രസംഗിച്ചു.
