കൊല്ലം: ഫണ്വേള്ഡ് സംഘടിപ്പിക്കുന്ന കൊല്ലം ഫെസ്റ്റ് 25 മുതല് ആശ്രാമം മൈതാനിയില് നടക്കും. ഷോപ്പിങ് അവസരവും വിനോദഉപാധികളും ഫെസ്റ്റിലുണ്ടാകുമെന്ന് ഭാരവാഹികള് പത്രസമ്മേളനത്തില് അറിയിച്ചു. മൂന്ന് പതിറ്റാണ്ടിലേറെയായി നൂറുക്കണക്കിന് സര്ക്കാര്-സര്ക്കാരിതര എക്സിബിഷനുകള് വിജയകരമായി നടത്തിയ തെന്നിന്ത്യയിലെ പ്രമുഖ എക്സിബിഷന് ഓര്ഗനൈസിംഗ് കമ്പനിയായ ഫണ്വേള്ഡ് ആന്റ് റീസോര്ട്ട്സ് ഇന്ത്യ പ്രൈവറ്റ് ലിമിറ്റഡാണ് സംഘാടകര്.
72 അടി ഉയരത്തില് 250ല് പരം അടി നീളത്തില് അമേരിക്കന് വൈറ്റ്ഹൗസ് മാതൃകയില് പണിതീര്ത്ത പ്രവേശനകവാടം 14000 ചതുരശ്രഅടി വിസ്തീര്ണത്തില് ഒരുക്കിയ യഥാര്ത്ഥ വന്യമൃഗങ്ങളെ പോലും അതിശയിപ്പിക്കുന്ന വിദേശനിര്മ്മിത റോബട്ടിക്ക് അനിമല് കിംഗ്ഡവും, 600 ചതുരശ്ര അടി വിസ്തീര്ണമുള്ള പവലിയനില് ഒരുക്കിയ യുവതലമുറയെ ഹരം കൊള്ളിക്കുന്ന ത്രീഡി സെല്ഫി ക്ലിക്ക് ആര്ട്ട് മ്യൂസിയവും ലോകാത്ഭുതങ്ങളായ താജ്മഹല്, പാരിസിന്റെ വിസ്മയമായ ഈഫല് ഗോപുരം, റിയോഡി ജനീറോയിലെ പ്രസിദ്ധമായ ക്രിസ്തു പ്രതിമ എന്നിവയാണ് കൊല്ലം ഫെസ്റ്റില് മുഖ്യആകര്ഷണങ്ങളെ അവര് പറഞ്ഞു.
25ന് വൈകിട്ട് 6.30ന് മേയര് അഡ്വ.വി.രാജേന്ദ്രബാബു അദ്ധ്യക്ഷത വഹിക്കുന്ന ഫെസ്റ്റിന്റെ ഉദ്ഘാടനം മന്ത്രി അഡ്വ.കെ.രാജു നിര്വഹിക്കും. എംഎല്എമാരായ എം.മുകേഷ്, വിജയന്പിള്ള, കോര്പ്പറേഷന് ഡെപ്യൂട്ടി മേയര് വിജയാഫ്രാന്സിസ്, പ്രതിപക്ഷനേതാവ് എ.കെ.ഹഫീസ്, കൗണ്സിലര് രാമചന്ദ്രന് എന്നിവര് പങ്കെടുക്കും. പത്രസമ്മേളനത്തില് എ.കെ.നായര്, പി.ഒ.രാധാകൃഷ്ണന്, പി.ഗംഗാധരന്പിള്ള, ജോര്ജ് വില്യംസ്, ചക്കാലയില് നാസര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: