ആലപ്പുഴ: പക്ഷിപ്പനിയുമായി ബന്ധപ്പെട്ട് മൃഗസംരക്ഷണവകുപ്പിന്റെ ദൗത്യസേന ഇന്നലെ അമ്പലപ്പുഴ വടക്കും പുന്നപ്ര തെക്കും പ്രദേശങ്ങളില് രോഗനിയന്ത്രണ പ്രവര്ത്തനങ്ങള് നടത്തി. ഇവിടങ്ങളില് നിന്ന് ചത്തതുള്പ്പടെ 9,809 താറാവുകളെ സംസ്കരിച്ചു. അമ്പലപ്പുഴ വടക്ക് ഒരു ദൗത്യസംഘം കൊന്ന് സംസ്കരിക്കുന്ന പ്രവര്ത്തനത്തിലും മറ്റൊരു സംഘം അണുവിമുക്തമാക്കല് നടപടകളുമാണ് നടത്തിയത്. ഇവിടെ ഇന്നലെ 300 ചത്ത താറാവുകളെ സംസ്കരിച്ചപ്പോള് 6,159 താറാവുകളെ കൊന്ന് സംസ്കരിച്ചിട്ടുണ്ട്. പുന്നപ്ര തെക്ക് രണ്ട് ദൗത്യസംഘങ്ങള് താറാവുകളെ കൊന്ന് സംസ്കരിക്കുന്ന നടപടികള് നിര്വഹിച്ചപ്പോള് ഒരു സംഘം ശുചീകരണപ്രവര്ത്തി നടത്തി. ഇവിടെ 3,250 താറാവുകളെ കൊന്ന് സംസ്കരിച്ചപ്പോള് 100 ചത്ത താറാവുകളെയും സംസ്കരിച്ചു. ഇന്ന് സംഘം ഈ പ്രദേശങ്ങളില് ശുചീകരണ പ്രവര്ത്തനങ്ങളില് ഏര്പ്പെടും. കഴിഞ്ഞ ദിവസം പുന്നപ്ര തെക്ക് ഒരിടത്ത് സാമ്പിള് പരിശോധനാഫലം പോസിറ്റീവ് ആയതിനെത്തുടര്ന്നാണ് ദൗത്യസേന ഇവിടം കേന്ദ്രീകരിച്ച് പ്രവര്ത്തിച്ചത്.
പക്ഷിപ്പനി: ഇന്നലെ രണ്ടിടങ്ങളിലായി 9,809 താറാവുകളെ സംസ്കരിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.