ഭോപ്പാല്: മധ്യപ്രദേശിലെ വിദിശയില് ബജ്റംഗ്ദള് പ്രവര്ത്തകനെ വധിച്ചു. ദീപക് കുശ്വാ(20) എന്ന യുവാവാണ് കൊല്ലപ്പെട്ടത്.
തൊത്പുരയില് വച്ച് മൂര്ച്ചയുളള ആയുധം ഉപയോഗിച്ച് ദീപകിനെ ആക്രമിക്കുകയായിരുന്നു. ഉടന് ആശുപത്രിയിലെത്തിച്ചെങ്കിലും അമിതമായി രക്തം നഷ്ടമായത് മൂലം മരിക്കുകയായിരുന്നു.
കൊലപാതകത്തെ തുടര്ന്ന് വലതുപക്ഷ രാഷ്ട്രീയ പാര്ട്ടികള് നിര്ബന്ധിതമായി കടകള് അടപ്പിച്ചു. വിഎച്ച്പി ബന്ദിനും ആഹ്വാനം നല്കി. സംഭവത്തെക്കുറിച്ച് പോലീസ് അന്വേഷണം തുടങ്ങി.
ജാവേദ് എന്ന യുവാവിനെ ദീപക്ക് മദ്യപിക്കാന് നിര്ബന്ധിച്ചു എന്നാരോപിച്ച് പോലീസ് സ്റ്റേഷനില് നല്കിയ പരാതിയാണ് കൊലപാതകത്തില് കലാശിച്ചതെന്നാണ് വിലയിരുത്തല്. ദീപക്കിനെതിരെ പോലീസ് കേസെടുത്തു. പിന്നീട് കാരണമില്ലാതെ തന്നെ ഉപദ്രവിച്ചെന്ന് കാട്ടി ദീപക്ക് ജാവേദിനെതിരെയും കേസ് നല്കി. ഈ പ്രശ്നങ്ങള് പറഞ്ഞ് തീര്ത്തതാണെന്നും പോലീസ് പറയുന്നുണ്ട്.
