പുരി ; ജനലക്ഷങ്ങൾ പങ്കെടുക്കുന്ന ചടങ്ങാണ് ഒഡീഷയിലെ പുരി രഥയാത്ര . ഓരോ വർഷവും രഥയാത്രയിൽ പങ്കെടുക്കുന്നവരുടെ എണ്ണത്തിൽ വൻ വർധനവാണ് ഉണ്ടാകുന്നത് . ഇപ്പോഴിതാ പ്രധാന രഥയാത്രാ റൂട്ടിൽ ദശലക്ഷക്കണക്കിന് ഭക്തർ രഥങ്ങൾക്ക് മുന്നിലൂടെ നടന്നുപോകുമ്പോൾ കടന്നു വരുന്ന ആംബുലൻസിന്റെ ദൃശ്യങ്ങളും, അതിന് ലക്ഷങ്ങൾ വഴി മാറി നൽകുന്ന കാഴ്ച്ചയുമാണ് പുറത്ത് വരുന്നത്.
രഥയാത്രയിൽ പങ്കെടുക്കുന്നതിനിടെ കുഴഞ്ഞു വീണ് ബോധരഹിതനായ ആൾക്ക് അടിയന്തര വൈദ്യസഹായം നൽകാനാണ് ആംബുലൻസ് വന്നത്. ആംബുലൻസിന്റെ സൈറൺ മുഴങ്ങിയയുടനെ, ദശലക്ഷക്കണക്കിന് ഭക്തരുടെ കൂട്ടം, നിൽക്കാൻ പോലും മതിയായ ഇടമില്ലാതിരുന്നിട്ടും, ഒരു പരിഭ്രാന്തിയും കൂടാതെ, വഴി മാറി നൽകുകയായിരുന്നു . വഴി ഒരുക്കാനാണ് ആർ എസ് എസ് വോളന്റിയേഴ്സും ഉടൻ സ്ഥലത്തെത്തി . ആംബുലൻസ് അൽപ്പം പോലും വൈകാതെ രോഗിയെ ആശുപത്രിയിലേക്ക് കൊണ്ടുപോയി. ഈ രംഗം സനാതന ധർമ്മത്തിന്റെ യഥാർത്ഥ മൂല്യങ്ങളെ പ്രതിഫലിപ്പിക്കുന്നുവെന്നാണ് പലരും കമന്റ് ചെയ്യുന്നത് . അവിടെ ഒരാളുടെ ജീവൻ രക്ഷിക്കുന്നതിലാണ് ഭക്തിയുടെ ആത്യന്തിക രൂപം പ്രകടമാകുന്നത്.
രഥയാത്രാ റൂട്ട്, പാർക്കിംഗ് സ്ഥലങ്ങൾ, മെഡിക്കൽ സഹായ ക്യാമ്പുകൾ എന്നിവയുൾപ്പെടെ വിവിധ പൗര ക്രമീകരണങ്ങളിൽ സജീവമായി സഹായിക്കാൻ ആർ എസ് എസ് സദാസജ്ജമാണിവിടെ.
