ന്യൂദല്ഹി: ‘സെക്കന്ഡ് ക്ലാസ് പാസഞ്ചര്’ എന്ന പ്രയോഗം ഒഴിവാക്കണമെന്ന് ഇന്ത്യന് റെയില്വേയോട് നിര്ദ്ദേശിച്ച് സുപ്രീം കോടതി. ഒരാള് യാത്ര ചെയ്യുന്ന കോച്ചിനെയാണ് സെക്കന്ഡ് ക്ലാസ് എന്ന് വിശേഷിപ്പിക്കേണ്ടത്. വ്യക്തിയെയല്ല. യാത്രക്കാരെ ഈ രീതിയില് വര്ഗീകരിക്കുന്നത് ‘ ഇന്ത്യന് ഭരണഘടനയുടെ ആത്മാവിനെ വ്രണപ്പെടുത്തുന്നതാണെ’ന്ന് കോടതി നിരീക്ഷിച്ചു.
ഇന്ത്യയുടെ വര്ഗ വിഭജന ചരിത്രവും സമത്വത്തോടുള്ള ഭരണഘടനാപരമായ പ്രതിബദ്ധതയും കണക്കിലെടുക്കുമ്പോള് അത്തരമൊരു വിശേഷണത്തില് കുഴപ്പമുണ്ടെന്ന് ജസ്റ്റിസുമാരായ സഞ്ജയ് കരോള് , എന്. കോടിശ്വര് സിംഗ് എന്നിവരടങ്ങിയ ബെഞ്ച് പറഞ്ഞു.
ഓടുന്ന ട്രെയിനില് നിന്ന് വീണു മരിച്ച ഒരാളുടെ വിധവയ്ക്ക് നഷ്ടപരിഹാരം നല്കിക്കൊണ്ട് പുറപ്പെടുവിച്ച വിധിയിലാണ് ഈ നിരീക്ഷണം.
