അഹമ്മദാബാദ്: ഗുജറാത്തില് അഹമ്മദാബാദിലെ പടക്ക നിര്മ്മാണശാലയിലുണ്ടായ സ്ഫോടനത്തില് 9 മരണം.15 ലേറെ പേര്ക്ക് പരിക്കേറ്റു. അഹമ്മദാബാദിലെ വസ്ത്രാല് ഏരിയയിലെ ടാലന്റ് ഫയര്വര്ക്ക്സ് പടക്കനിര്മ്മാണശാലയില് ഉച്ച തിരിഞ്ഞ് 3.30ഓടെയായിരുന്നു സ്ഫോടനം.
സ്ഫോടനം നടക്കുമ്പോള് 20 ലേറെ തൊഴിലാളികള് പടക്ക നിര്മ്മാണ ശാലയില് ഉണ്ടായിരുന്നതായാണ് റിപ്പോര്ട്ട്. സ്ഫോടനശബ്ദം അഞ്ച് കിലോമീറ്റര് അകലെ വരെ കേട്ടതായാണ് വിവരം. ലൈസന്സ് റദ്ദാക്കിയ ശേഷവും പടക്കനിര്മ്മാണശാല അനധികൃതമായി പ്രവര്ത്തനം തുടരുകയായിരുന്നുവെന്ന് അധികൃതര് പറഞ്ഞു.
സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു. അപകടത്തില് പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. മരിച്ചവരുടെ കുടുംബങ്ങള്ക്ക് രണ്ടുലക്ഷം രൂപയും പരിക്കേറ്റവര്ക്ക് 50,000 രൂപയും ധനസഹായം പ്രഖ്യാപിച്ചു.
