ഇസ്ലാമാബാദ്: നവാസ് ഷെരീഫിനെ രാജിവയ്പ്പിക്കാന് തലസ്ഥാനം സ്തംഭിപ്പിക്കല് റാലി നടത്താന് പോകുന്ന ഇമ്രാന് ഖാനോട് ആദ്യ ഭാര്യ രേഹം ഖാന് പറയുന്നു: എന്നോടു ചെയ്തതു പോലെ പാക്കിസ്ഥാനെ മൊഴി ചൊല്ലരുതേ.
മുന് ക്രിക്കറ്റ് താരവും പാക്കിസ്ഥാന് തെഹ്രീക് ഇ ഇന്സാഫ് (പിടിഐ) നേതാവുമായ ഇമ്രാനെതിരേ തമാശയും ഗൗരവവും കലര്ത്തി രേഹം ഖാന് നടത്തിയ അപേക്ഷ ഒക്ടോബര് 31 നാണെന്ന പ്രത്യേകതയുണ്ട്. ”കഴിഞ്ഞ വര്ഷം ഈ ദിവസം വിവാഹ വാര്ഷിക സമ്മാനം നല്കാന് ഞാന് ആവശ്യപ്പെട്ടു. അദ്ദേഹം എന്നെ മൊഴി ചൊല്ലി. പാക്കിസ്ഥാനോട് അങ്ങനെ ചെയ്യാതിരിക്കാന് നമുക്ക് പ്രാര്ത്ഥിക്കാം,” രേഹം പറഞ്ഞു.
നാളെയാണ് ഇമ്രാന്റെ പ്രതിഷേധ റാലി. ഇതിനകം അനൗദ്യോഗിക വീട്ടു തടങ്കലിലായ ഇമ്രാന് ജനങ്ങളോട് ഏതു വിധേനയും തലസ്ഥാനത്തെത്താന് അഭ്യര്ത്ഥിച്ചു. 1500 ഇമ്രാന് അനുകൂലികളെ പോലീസ് കരുതല് തടങ്കലിലാക്കി.
