ഇരിട്ടി: സംസാരിക്കുന്നവന്റെ സംസ്കാരം പ്രതിഫലിപ്പിക്കുന്ന മുഖക്കണ്ണാടിയാണ് ഭാഷ എന്ന് പ്രഭാഷകനും ഇരിട്ടി പ്രഗതി വിദ്യാനികേതന് അദ്ധ്യാപകനുമായ പയ്യാവൂര് മാധവന് മാസ്റ്റര് പറഞ്ഞു. പ്രഗതി വിദ്യാനികേതനില് വിശ്വ സംസ്കൃത പ്രതിഷ്ഠാന്റെ ആഭിമുഖ്യത്തില് ആരംഭിക്കുന്ന സൗജന്യ സംസ്കൃതം പഠന ക്ലാസ്സിന്റെ ഉദ്ഘാടനം നിര്വഹിച്ചു സംസാരിക്കുകയായിരുന്നു അദ്ദേഹം. പൂര്ണ്ണ വളര്ച്ച എത്തിയ ഭാഷയ്ക്ക് വ്യാകരണം ഉണ്ടാവണം .ലോകത്ത് ഇരുപത്തി അയ്യായിരം വര്ഷം മുമ്പ് വ്യാകരണമുണ്ടായ ആദ്യ ഭാഷ സംസ്കൃതമാണെന്നും അദ്ദേഹം പറഞ്ഞു.
തുടര്ന്ന് സംസ്കൃതത്തില് മുഖ്യ ഭാഷണം നടത്തിയ മട്ടന്നൂര് ഹയര്സെക്കന്ഡറി സ്കൂള് അദ്ധ്യാപകന് സനല് ചന്ദ്രന് പുന്നാട് സംസ്കൃതം ചിരപുരാതനവും നിത്യനൂതനവുമാണെന്ന് അഭിപ്രായപ്പെട്ടു. പഠനവും ജീവിതവും എന്നതിനപ്പുറം നാമെല്ലാം ഒരു സംസ്കാരത്തിന്റെ ഉടമകളാണ്. ഇവിടുത്തെ ഭാഷയും ചിന്താധാരകളുമെല്ലാം ഈ സംസ്കാരത്തിന്റെ ഭാഗവുമാണെന്ന്. അദ്ദേഹം പറഞ്ഞു. പ്രഗതി വൈസ് പ്രിന്സിപ്പാള് എം.രതീശന് മാസ്റ്റര് അദ്ധ്യക്ഷത വഹിച്ചു. റിട്ട. എസ് ഐ.പി കരുണാകരന്, വിശ്വസംസ്കൃത പ്രതിഷ്ഠാനം താലൂക്ക് സംയോജകാന് എം.വിഷ്ണു, രാജേഷ് കുയിലൂര് എന്നിവര് പ്രസംഗിച്ചു. ക്ലാസ്സില് ചേര്ന്ന് പഠനം നടത്താന് ആഗ്രഹിക്കുന്നവര്ക്ക് 9446768152, 9495371683 എന്നീ നമ്പറുകളില് ബന്ധപ്പെടാവുന്നതാണെന്നു ഭാരവാഹികള് അറിയിച്ചു.
