കാഞ്ഞങ്ങാട്: ഹൊസ്ദുര്ഗ് പോലീസ് സ്റ്റേഷനിലെ എഎസ്ഐ സുവര്ണനും സംഘത്തിനുമെതിരെ കല്ലെറിയുകയും ഔദ്യോഗിക കൃത്യ നിര്വ്വഹണം തടസ്സപ്പെടുത്തുകയും ചെയ്ത കേസില് മൂന്ന് സിപിഎം പ്രവര്ത്തകരെ ഹൊസ്ദുര്ഗ് പോലീസ് അറസ്റ്റ് ചെയ്തു. നിയമസഭാ തെരഞ്ഞെടുപ്പ് വിജ്ഞാപനം പുറപ്പെടുവിച്ച സമയത്ത് മാണിക്കോത്ത് ഏര്പ്പെടുത്തിയ പോലീസ് പിക്കറ്റ് പോസ്റ്റില് ഇരിക്കുകയായിരുന്ന സുവര്ണനെയും മറ്റും അക്രമിക്കുകയായിരുന്നു.
പ്രതികള്ക്കെതിരെ മനപ്പൂര്വ്വമല്ലാത്ത നരഹത്യാശ്രമത്തിനും ഔദ്യോഗിക കൃത്യനിര്വ്വഹണം തടസ്സപ്പെടുത്തിയതിനുമാണ് പോലീസ് കേസെടുത്തത്. മുട്ടുന്തല കൊളവയലിലെ അഭിലാഷ്, ജിത്തു ബാബു എന്ന ബാബു, അരുണ്ഘോഷ് എന്നിവരാണ് അറസ്റ്റിലായത്. ഇവരെ ഹൊസ്ദുര്ഗ് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി റിമാന്ഡ് ചെയ്തു.
