ബെംഗളൂരു: ആര്എസ്എസ് പ്രവര്ത്തകന് രുദ്രേഷി (42) നെ ബെംഗളൂരുവിലെ ശിവാജിനഗറില് വച്ച് ക്രൂരമായി കൊലപ്പെടുത്തി. പഥസഞ്ചലനത്തില് പങ്കെടുത്ത് തിരിച്ചുവരുന്ന വഴിയാണ് രുദ്രേഷിനെ ഗണവേഷത്തില് തന്നെ കൊലപ്പെടുത്തിയത്. പോലീസ് സ്ഥലത്തെത്തി അന്വേഷണം ആരംഭിച്ചു.
കാമരാജ് റോഡിലാണ് രുദ്രേഷ് താമസിക്കുന്നത്. ശിവാജിനഗറിലെ പോസ്റ്റ്ഓഫീസ് സര്ക്കിളില് നിന്നാണ് പഥസഞ്ചലനം ആരംഭിച്ചത്. കൊലപാതകത്തെ ആര്എസ്എസ് അപലപിച്ചു. ക്ഷേത്രീയ സംഘചാലക് വി. നാഗരാജും, പ്രാന്തകാര്യവാഹ് തിപ്പസ്വാമിയും, മറ്റ് മുതിര്ന്ന നേതാക്കളും സംഭവത്തെ അപലപിക്കുകയും അടിയന്തരമായി പ്രതികളെ അറസ്റ്റ് ചെയ്യണമെന്ന് ആവശ്യപ്പെടുകയും ചെയ്തു.
സംഭവത്തില് പ്രതിഷേധിച്ച് ആര്എസ്എസിന്റെ ആഭിമുഖ്യത്തില് ഇന്ന് ബെംഗളൂരുവില് പ്രതിഷേധം സംഘടിപ്പിക്കും. ശിവാജിനഗറില് ബന്ദാഹ്വാനമുണ്ട്.
