തിരുവനന്തപുരം:മ്യൂസിയം വളപ്പിലെ ചരിത്ര റബര്‍ മരം സംരക്ഷിക്കുന്നതിന് റബര്‍ ബോര്‍ഡ് ശാസ്ത്രജ്ഞരും വിദഗ്ധരും ഉള്‍പ്പെട്ട വിഭാഗത്തിന്റെയും ബോര്‍ഡിന്റെയും പൂര്‍ണ സഹകരണം ഉണ്ടാകുമെന്ന് റബര്‍ ബോര്‍ഡ് ചെയര്മാന് എന്‍. ഹരി.
തിരുവനന്തപുരം മ്യൂസിയം ബൊട്ടാണിക്കല്‍ ഗാര്‍ഡനില്‍ 150 വര്‍ഷത്തോളം പഴക്കമുള്ള റബര്‍ മരത്തിന് രോഗബാധ എന്ന റിപ്പോര്‍ട്ടുകളെ തുടര്‍ന്ന് സ്ഥലം സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു റബര്‍ ബോര്‍ഡ് ചെയര്മാന്.ചിതല്‍ ബാധയെ തുടര്‍ന്ന് മരത്തിന് തുടങ്ങിയ ചികിത്സയ്‌ക്ക് ആവശ്യമായ മാര്‍ഗനിര്‍ദ്ദേശങ്ങള്‍ റബര്‍ ബോര്‍ഡ് ശാസ്ത്ര വിഭാഗം നല്‍കുമെന്നും ഹരി അറിയിച്ചു.
തിരുവിതാംകൂര്‍ മഹാരാജാവ് ആയിരുന്ന മാര്‍ത്താണ്ഡവര്‍മ്മയുടെ കാലത്ത് ശ്രീലങ്കയില്‍ നിന്നും ലഭിച്ച റബര്‍ മരമാണിത്. ടാപ്പിംഗ് നടത്താതെയാണ് മരത്തെ സംരക്ഷിച്ചിരുന്നത്.അടുത്തയിടെ ഒരു കൊമ്പൊടിഞ്ഞു വീണപ്പോഴാണ് രോഗബാധ ശ്രദ്ധയില്‍പ്പെട്ടത്. ഇതെ തുടര്‍ന്ന് മ്യൂസിയം അധികൃതര്‍ കരുതല്‍ നടപടികള്‍ ആരംഭിച്ചിരുന്നു..
റബര്‍ ബോര്‍ഡിലെ ഉദ്യോഗസ്ഥരും , മ്യൂസിയം അധികൃതരും റബര്‍ ബോര്‍ഡ് ചെയര്മാന് ഒപ്പം എത്തിയിരുന്നു.നിലവില്‍ നടത്തുന്ന ചികിത്സയെക്കുറിച്ച് റബര്‍ ബോര്‍ഡ് അധികൃതമായി അവര്‍ ആശയവിനിമയം നടത്തി.
