കണ്ണൂര്: സൂപ്പര്-ന്യൂമററി തസ്തികയില് നിയമിക്കപ്പെട്ട ഭിന്നശേഷി ജീവനക്കാര്ക്ക് വാര്ഷിക ഇന്ക്രിമെന്റുകള് നല്കണമെന്ന 04-05-2016 ലെ സാമൂഹ്യനീതി വകുപ്പിന്റെ 6/16 ഉത്തരവ് നടപ്പിലാക്കാത്ത ജില്ലയിലെ വകുപ്പുതലവന്മാര്ക്കെതിരെ നടപടി സ്വീകരിക്കണമെന്നും ഇത്തരം തസ്തികകള് ഏകീകരിച്ച് ഉത്തരവാകണമെന്നും ഡിഫറന്റ്ലി ഏബിള്ഡ് എംബ്ലോയീസ് അസോസിയേഷന് കണ്ണൂര് ജില്ലാ പ്രവര്ത്തകയോഗം സര്ക്കാരിനോട് ആവശ്യപ്പെട്ടു.
വൈകി ജോലി ലിഭിക്കുന്നവര്ക്ക് മിനിമം സര്വ്വീസ് ലഭിക്കാന് പെന്ഷന് പ്രായം വര്ദ്ധിപ്പിക്കണമെന്നും കണ്വെയന്സ് അലവന്സ് 1200 രൂപയാക്കി വര്ദ്ധിപ്പിക്കണമെന്നും അംഗപരിമിതര്ക്ക് 3ശതമാനം സംവരണം എല്ലാ സ്ഥാപനങ്ങളിലും അനുവദിക്കണമെന്നും സ്ഥാനക്കയറ്റം അനുവദിക്കണമെന്നുമുള്ള സുപ്രീംകോടതി വിധി കേരളത്തില് നടപ്പിലാക്കണമെന്നും ലോക ഭിന്നശേഷി ദിനമായ ഡിസംബര് 3 നിയന്ത്രിത അവധിയായി പ്രഖ്യാപിക്കണമെന്നും യോഗം സര്ക്കാരിനോട് ആവശ്യപ്പെട്ടു.
കണ്ണൂര് വീറ്റ് കൗസില് ചേര്ന്ന യോഗം സംസ്ഥാന പ്രസിഡണ്ട് ബിജു ടി.കെ. ഉദ്ഘാടനം ചെയ്തു. ജില്ലാ പ്രസിഡണ്ട് ഷാജി വി.വി. അധ്യക്ഷത വഹിച്ചു.
പുതിയ ഭാരവാഹികളായി ഷാജി പി.എടക്കാട് (പ്രസിഡണ്ട്), കെ.ശശി (സെക്രട്ടറി), കെ.ശ്രീകല (ട്രഷറര്), ഇ.സരിത, വി.രാജന് (വൈസ് പ്രസിഡണ്ടുമാര്), എ.ശശിധരന്, ഒ.കെ.ദിലീപ് (ജോ.സെക്രട്ടറിമാര്) എന്നിവരെ തെരഞ്ഞെടുത്തു.
