തലശ്ശേരി: ഗവ.ബ്രണ്ണന് കോളേജ് തെരഞ്ഞെടുപ്പില് എബിവിപി സ്ഥാനാര്ത്ഥിയായി മത്സരിച്ച വിദ്യാര്ത്ഥിനിയെ മദ്യപിച്ചെത്തിയ എസ്എഫ്ഐ സംഘം അപമാനിക്കുകയും കയ്യേറ്റം ചെയ്യുകയും ചെയ്തു. ബ്രണ്ണന് കോളേജില് എംഎ മലയാളം ഒന്നാംവര്ഷം വിദ്യാര്ത്ഥിനിയായ പൊയിലൂരിലെ നിട്ടൂര് വലിയത്ത് വീട്ടില് എന്.വി.ശ്രുതി(20)യെയാണ് കേട്ടാലറക്കുന്ന ഭാഷയില് അസഭ്യം പറയുകയും കയ്യേറ്റം ചെയ്യാന് ശ്രമിക്കുകയും ചെയ്തത്. എസ്എഫ്ഐക്കാരായ സഹീര്, അരുണ് ബാബു എന്നിവരുടെ നേതൃത്വത്തിലുള്ള സംഘമാണ് കോളേജില് അഴിഞ്ഞാടിയത്. മദ്യപിച്ചെത്തിയ എസ്എഫ്ഐ സംഘം അപമാനിക്കാന് ശ്രമിച്ചുവെന്നും പോലീസ് സംരക്ഷണം ആവശ്യപ്പെട്ടും അധ്യാപികമാരോട് ശ്രുതി പരാതി പറഞ്ഞെങ്കിലും ബന്ധപ്പെട്ടവര് ഇതിന് തയ്യാറായിട്ടില്ല. ഇത് സംബന്ധിച്ച് ധര്മ്മടം പോലീസില് പരാതി നല്കിയിട്ടുണ്ട്. ഇതേ അനുഭവം കെഎസ്യു സ്ഥാനാര് ത്ഥികളായ വിദ്യാര്ത്ഥിനികള്ക്കും ഉണ്ടായതായി അറിയുന്നു. കോളേജ് കാമ്പസ്സില് എസ്എഫ്ഐ സംഘം മദ്യപിച്ചെത്തി വിദ്യാര്ത്ഥിനികളെ അപമാനിക്കാന് ശ്രമിച്ച സംഭവത്തില് എബിവിപി താലൂക്ക് കമ്മറ്റി പ്രതിഷേധിച്ചു. നേരത്തേ കോളേജ് മെന്സ് ഹോസ്റ്റല് എസ്എഫ്ആക്കാരുടെ അഴിഞ്ഞാട്ടത്തെ തുടര്ന്ന് അടച്ചിട്ട സംഭവം റിപ്പോര്ട്ട് ചെയ്യപ്പെട്ടിരുന്നു. ബ്രണ്ണന് കോളേജില് എസ്എഫ് ഐക്കാര്ക്ക് എന്തുമാകാം എന്നുള്ളതാണ് നിലവിലുള്ള സ്ഥിതി.
മദ്യപിച്ചെത്തിയെ എസ്എഫ്ഐ സംഘം ബ്രണ്ണന് കോളേജില് അഴിഞ്ഞാടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.