സ്ത്രീയെ യാത്രക്കാര് പിടികൂടി മുഹമ്മ: സ്വകാര്യബസില് മാതാവിനോടൊപ്പം യാത്രചെയ്ത കുട്ടിയുടെ മാല അപഹരിച്ച നാടോടി സ്ത്രീയെ യാത്രക്കാര് പിടികൂടി പോലീസില് ഏല്പ്പിച്ചു. കുട്ടിയുടെ മാതാവിന് പരാതിയില്ല എന്ന കാരണത്താല് നാടോടി സ്ത്രീയെ പോലീസ് താക്കീത് ചെയ്ത് വിട്ടയച്ചു. കഞ്ഞിപ്പാടത്ത് നിന്നും മണ്ണഞ്ചേരിയിലേയ്ക്ക് വന്ന ഇഷാന് ബസില് ഇന്നലെ ഉച്ചയോടെയാണ് സംഭവം. തയ്യല്തൊഴിലാളി ക്ഷേമനിധി ഓഫീസില് പോയി കുട്ടിയോടെപ്പം വീട്ടിലേയ്ക്ക് മടങ്ങുകയായിരുന്നു കലവൂര് സ്വദേശിനിയായ വീട്ടമ്മ.
ഇവരുടെ മടിയിലിരുന്ന മൂന്നുവയസുകാരിയുടെ കഴുത്തില് കിടന്ന മാല കൊളുത്തകറ്റിയാണ് നാടോടി സ്ത്രീ കൈവശപ്പെടുത്തിയത്. ഇത് ബസിലുണ്ടായിരുന്ന മണ്ണഞ്ചേരി പനയ്ക്കല് പുത്തന്പറമ്പില് മിനിയാണ് കണ്ടത്. ഇവര് ബഹളംവച്ചതിനെ തുടര്ന്ന് നാടോടി സ്ത്രീ ഗുരുപുരം സ്റ്റോപ്പില് ബസ്നിര്ത്തിയപ്പോള് ഇറങ്ങിയോടി. ഇവരെ പിന്തുടര്ന്ന മിനിയും മറ്റ് സഹയാത്രികരും നാടോടി സ്ത്രീയെ പിടികൂടി ഓട്ടോറിക്ഷായില് മണ്ണഞ്ചേരി സ്റ്റേഷനില് എത്തിക്കുകയായിരുന്നു.
പ്രതികരിക്കാൻ ഇവിടെ എഴുതുക: