പയ്യന്നൂര്: വാഴക്കുല മോഷ്ടാവായ മാന്യന് സിസിടിവിയില് കുടുങ്ങി പിടിയിലായി. ആള്ട്ടോ കാറിലെത്തി കടയില് നിന്നും വാഴക്കുലകള് മോഷ്ടിച്ച മാന്യനെയാണ് കടയുടമ സമര്ത്ഥമായി കുടുക്കിയത്. കഴിഞ്ഞദിവസം പയ്യന്നൂരിലായിരുന്നു സംഭവം. പയ്യന്നൂര് കണ്ടോത്തെ വാഴക്കുല വില്പ്പന കേന്ദ്രത്തില്നിന്നും പലതവണ കുലകള് മോഷണം പോയിരുന്നു. ഇതേത്തുടര്ന്നാണ് കടയുടമ സിസിടിവി സ്ഥാപിച്ചത്. കഴിഞ്ഞദിവസം രാവിലെ പുകപ്പുരയില് പുകയിട്ട് സൂക്ഷിച്ചിരുന്ന വാഴക്കുലകളില് ചിലത് മോഷണം പോയതോടെയാണ് നിരീക്ഷണ ക്യാമറയിലെ ദൃശ്യങ്ങള് പരിശോധിച്ചത്. പുലര്ച്ചെ 4.30 ഓടെ കാറിലെത്തി വാഴക്കുലകള് മോഷ്ടിച്ച ആളിന്റെ ചിത്രവും കാറിന്റെ നമ്പറും വ്യക്തമായി തെളിഞ്ഞതോടെയാണ് കടയുടമ ഇയാളെ തിരിച്ചറിഞ്ഞത്. തുടര്ന്ന് ഇയാള് കടയിലെത്തി ക്ഷമാപണം നടത്തി തലയൂരുകയായിരുന്നു.
വാഴക്കുല മോഷ്ടാവ് സിസിടിവിയില് കുടുങ്ങി പിടിയിലായി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.