കോട്ടയം: മരിയന് കള്ച്ചറല് ഫോറത്തിന്റെയും കുട്ടിക്കാനം സാഹത്യ സദസിന്റെയും ആഭിമുഖ്യത്തില് നടക്കുന്ന പ്രഥമ കുട്ടിക്കാനം സാഹത്യോത്സവം 30 ന് ആരംഭിക്കും. മരിയന് കോളേജ് കാമ്പസില് നടക്കുന്ന പരിപാടി 2ന് സമാപിക്കുമെന്ന് ഭാരവാഹികള് വാര്ത്താ സമ്മേളനത്തി ല് അറിയിച്ചു.
30ന് ഉച്ചയ്ക്ക് 2ന് സാറാ ജോസഫ് ഉദ്ഘാടനം ചെയ്യും. മരിയന് കോളേജ് പ്രിന്സിപ്പല് ഡോ. റോയ് എബ്രഹാം അദ്ധ്യക്ഷത വഹിക്കും. നോവലിസ്റ്റ് ബെന്യാമിന് നോവല്പ്പരപ്പിലെ സ്ഥൂലതകള് എന്നവിഷയത്തില് പ്രഭാഷണം നടത്തും. വൈകിട്ട് 5ന് പക്ഷരഹിത രചന സാധ്യമോ എന്നവിഷയത്തില് സാറാജോസഫ് പ്രഭാഷണം നടത്തും.
ഒക്ടോബര് 1ന് രാവിലെ 9മുതല് ഇന്ത്യന് ഇംഗ്ലീഷ് രചനകള്, വിവര്ത്തന സാഹത്യം എന്നീവയില് പ്രഭാഷണമുണ്ടാകും. ഇന്ത്യന് ഇംഗ്ലീഷ് സാഹത്യകാരി സംഗീതാ ശ്രീനിവാസനാണ് പ്രഭാഷണം. തുടര്ന്ന് സാഹത്യാവതരണവും ചര്ച്ചയും. കഥാകൃത്ത് ഹാരിസ് നെന്മേനി നയിക്കുന്ന പാനലില് എന്. അജിതന് നമ്പൂതിരി, ഉണ്ണികൃഷ്ണന് പൂഴിക്കാട് , അഡ്വ. മണിലാല് എന്നിവര് പങ്കെടുക്കും.
ഉച്ചക്ക് നടക്കുന്ന ഓപ്പണ് ഫോറത്തില് കേരള ലളിതകലാ അക്കാദമി സെക്രട്ടറി പൊന്ന്യം ചന്ദ്രന് വിഷയം അവതരിപ്പിക്കും. പീരുമേട് ഷഷ്ട്യബ്ദപൂര്ത്തി സ്മാരക ക്ലബ് ലൈബ്രറിയുടെ സഹകരണത്തോടെയാണ് ഓപ്പണ് ഫോറം നടക്കുന്നത്.
മരിയന് കോളേജ് മുന് പ്രിന്സിപ്പല് റൂബിള് രാജ് മോഡറേറ്ററാകും. കവി റഫീക്ക് അഹമദ്, പൊന്കുന്നം വര്ക്കി സ്മാരക നവലോകം സാംസ്കാരിക കേന്ദ്രം ജനറല് സെക്രട്ടറി ഡോ. രാജന് ജോര്ജ്ജ് പണിക്കര്, ദേശാഭിമാനി ലേഖകന് കെ.ടി രാജീവ്, മുഹമദ് അന്സാരി, രാജേഷ് എന്നിവര് പങ്കെടുക്കും.
വൈകിട്ട് 5ന് പരുന്തുംപാറയില് കാവ്യസന്ധ്യ. കവികളായ റഫീക്ക് അഹമദ്, അജയന് കല്ലറ, പി.പി. രാമചന്ദ്രന്, കെ.ആര്. രാമചന്ദ്രന്, കാഞ്ചിയാര് രാജന്, മാത്യു മാത്യു പീരുമേട് എന്നിവര് കവിതകള് അവതരിപ്പിക്കും. രാത്രിയില് സാഹത്യാവതരണവും ചര്ച്ചയും. 2ന് രാവിലെ 8മുതല് കഥാകൃത്ത് സുഭാഷ് ചന്ദ്രന്റെ പ്രഭാഷണം. കഥയുടെ ചെറിയ വലിയ ലോകമെന്ന വിഷയത്തെ ആസ്പദമാക്കിയാണ് പ്രഭാഷണം. 10മുതല് എഴുത്തും പ്രസാധനവുമെന്ന വിഷയത്തില് ഡിസി ബുക്ക് മാനേജിംഗ് ഡയറക്ടര് രവി ഡിസി പ്രഭാഷണം നടത്തും. തുടര്ന്ന് സമാപന സമ്മേളനത്തില് സുഭാഷ് ചന്ദ്രന് സമാപന സന്ദേശം നല്കും. ചടങ്ങില് മരിയല് കോളേജ് മാനേജര് ഫാ. റൂബന് ജെ. താന്നിക്കല് അധ്യക്ഷത വഹിക്കും. വാര്ത്താ സമ്മേളനത്തില് ബാരവാഹികളായ മധുക്യഷ്ണന്, അജേഷ്.പി.ജോസഫ്, ബോബിമാത്യൂ എന്നിവര് പങ്കെടുത്തു
