കാലടി: ബിജെപി ദേശീയ കൗണ്സിലിന് കോഴിക്കോട്ടെത്തിയ കേന്ദ്രമന്ത്രി ഡോ. മഹേന്ദ്രനാഥ് പാണ്ഠേ കാലടി ആദി ശങ്കര ജന്മഭൂമി ക്ഷേത്രത്തില് ദര്ശനം നടത്തി. ക്ഷേത്രം മാനേജര് സുബ്രഹ്മണ്യയ്യര് അസി.മാനേജര് സൂര്യനാരായണ ഭട്ട് എന്നിവരുടെ നേതൃത്വത്തില് മന്ത്രിയെ സ്വീകരിച്ചു.
ശ്രീശാരദ ദേവിക്ഷേത്രം, ആദിശങ്കര ജന്മഭൂമി ക്ഷേത്രം, ആര്യാംബ സമാധിസ്ഥലം, കാലടി ശ്രീകൃഷ്ണ സ്വാമി ക്ഷേത്രം, മാണിക്യമംഗലം കാര്ത്ത്യായനി ദേവീക്ഷേത്രം എന്നിവിടങ്ങളും സന്ദര്ശിച്ചു. ബിജെപി അങ്കമാലി നിയോജകമണ്ഡലം ജനല് സെക്രട്ടറി ടി.എസ്. രാധാകൃഷ്ണന്, സലീഷ് ചെമ്മണ്ടൂര്, ശശി തറനിലം, കെ.എസ്.ആര്.പണിക്കര്, വരുണ് എന്നിവര് മന്ത്രിയോടൊപ്പം ഉണ്ടായിരുന്നു.
തുടര്ന്ന് മന്ത്രി കാലടി ശ്രീ ശങ്കരാചാര്യ സംസ്കൃത സര്വകലാശാല സന്ദര്ശിച്ചു. വിവിധ വകുപ്പ് മേധാവികളും വിദ്യാര്ത്ഥി പ്രതിനിധികളുമായി സംവദിച്ചു.
സര്വകലാശാലയുടെ സംസ്കൃത പ്രചാരണ പദ്ധതി, സാമവേദാലാപനത്തിന്റെ ഡോക്യുമെന്റേഷന്, ഫൈന് ആര്ട്സ് വിഭാഗത്തിന്റെ കലാസൃഷ്ടികള് എന്നിവയെപ്പറ്റി ചോദിച്ചറിഞ്ഞു.
സര്വകലാശാലയിലെ വിദ്യാര്ത്ഥി ക്ഷേമപദ്ധതികള്ക്ക് പിന്തുണകളും അറിയിച്ചു.
സര്വകലാശാല സമര്പ്പിച്ച വിവിധ പദ്ധതികള് പരിഗണിക്കുമെന്നും ഇക്കാര്യങ്ങളില് സവിശേഷമായ പ്രാധാന്യം നല്കി പദ്ധതികളുടെ ഫലപ്രാപ്തിക്കായി കേന്ദ്രസര്ക്കാരില് സമ്മര്ദ്ദം ചെലുത്തുമെന്നും ഡോ. മഹേന്ദ്രനാഥ് പാണ്ഠേ പറഞ്ഞു.
സാമൂഹിക പ്രവര്ത്തകന് സുനില്കുമാര് പാണ്ഠേ, അഡീഷണല് പ്രൈവറ്റ് സെക്രട്ടറി നിതിന് സിരിഹി എന്നിവരും കേന്ദ്രമന്ത്രിക്കൊപ്പം ഉണ്ടായിരുന്നു.
പ്രോ വൈസ് ചാന്സലര് ഡോ. സുചേത നായര് മന്ത്രിയെ സ്വീകരിച്ചു. സിന്ഡിക്കേറ്റ് അംഗങ്ങളായ ഡോ. ജി. ഗംഗാധരന് നായര്, ഡോ. കെ.ടി. മാധവന്, ഡോ. വി.ജി. ഗോപാലകൃഷ്ണന്, ഡോ. ടി. മിനി, വിഷ്ണു ആനന്ദ്, രജിസ്ട്രാര് ഡോ. ടി. പി. രവീന്ദ്രന് എന്നിവര് പ്രസംഗിച്ചു.
പ്രോ വൈസ് ചാന്സലര് ഡോ. സുചേത നായര് അധ്യക്ഷത വഹിച്ചു. ശ്രീ ശങ്കരാചാര്യരുടെ സമ്പൂര്ണ്ണ കൃതികള് രജിസ്ട്രാര് ഡോ. ടി. പി.രവീന്ദ്രന് മന്ത്രി ഡോ. മഹേന്ദ്രനാഥ് പാണ്ഠേയ്ക്ക് സമ്മാനിച്ചു.
