കണ്ണൂര്: ഭാരത്സ്വാഭിമാന് പതഞ്ജലി യോഗസമിതി കണ്ണൂര് ജില്ലാ കമ്മിറ്റിയുടെ ആഭിമുഖ്യത്തില് 25 ന് സാര്വ്വമാനവ മൈത്രി സംഗമവും കുടുംബ കൂട്ടായ്മയും സംഘടിപ്പിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. രാവിലെ 8 മണി മുതല് വൈകുന്നേരം 5 മണിവരെ മമ്പറം ഇന്ദിരാഗാന്ധി പബ്ലിക്ക് സ്ക്കൂളില് നടക്കുന്ന പരിപാടി ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്മാന് വി.കെ.സുരേഷ്ബാബു ഉദ്ഘാടനം ചെയ്യും. ഭാരത്സ്വാഭിമാന് കേന്ദ്രീയ പ്രഭാരി ഡോ. ജഗദീപ് ആര്യാജി വിശിഷ്ടാതിഥിയാകും. വേങ്ങാട് പഞ്ചായത്ത് പ്രസിഡണ്ട് സി.പി.അനിത,കൂത്തുപറമ്പ് എസ്ഐ കെ.ജെ.ബിനോയി, മമ്പറം മാധവന് എന്നിവര് മുഖ്യാതിഥികളാകും. കേരള സര്വ്വോദയ മണ്ഡലം മുന് സംസ്ഥാന പ്രസിഡണ്ട് കെ.പി.എ. റഹീം, ഫാ.ജോബി ജേക്കബ് എന്നിവര് മുഖ്യപ്രഭാഷണം നടത്തും. ഭാരത്സ്വാഭിമാന് പതഞ്ജലി യോഗസമിതി മോഹനന് മാനന്തേരി, ഇ.പി.ആര്.വേശാല, മനോജ് അണിയാരത്ത് തുടങ്ങിയവര് സംസാരിക്കും. തുടര്ന്ന് വിവിധ കലാപരിപാടികളും നടക്കും. വാര്ത്താ സമ്മേളനത്തില് പതഞ്ജലി യോഗസമിതി ജില്ലാ പ്രസിഡണ്ട് പി.ഭാസ്ക്കരന്, സി.കെ.സരസപ്പന്, എ.പി.ഗംഗാധരന്, വി.ശ്രീലത, പ്രമീള തുടങ്ങിയവര് പങ്കെടുത്തു.
സാര്വ്വമാനവ മൈത്രി സംഗമവും കുടുംബ കൂട്ടായ്മയും സംഘടിപ്പിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.