കൊല്ലം: കൊല്ലം നാട്യപ്രിയ ഡാന്സ് അക്കാദമി, സേവ് കിഡ്നി ഫൗണ്ടേഷനുമായി സഹകരിച്ച് സംഘടിപ്പിക്കുന്ന ശാസ്ത്രീയ നൃത്തോത്സവം, ത്രിനേത്ര ഡാന്സ് ഫെസ്റ്റിവല് ഇന്ന് മുതല് 25 വരെ സോപാനം ആഡിറ്റോറിയത്തില് നടക്കും. ലോക പ്രശസ്ത നര്ത്തകരെ പങ്കെടുപ്പിച്ചുകൊണ്ടാണ് ത്രിനേത്ര സംഘടിപ്പിച്ചിരിക്കുന്നത്. വ്യത്യസ്തതയാര്ന്ന നൃത്തരൂപങ്ങളുമായി കൊല്ലത്തെ കലാപ്രേമികളെ വിസ്മയിപ്പിക്കുന്ന വിധത്തിലാണ് പരിപാടി സംഘടിപ്പിക്കുന്നത്. ഉദ്ഘാടന ദിനമായ ഇന്ന് ആസാമീസ് നൃത്തരൂപമായ സാത്രിയയാണ് വേദിയില് അവതരിപ്പിക്കുന്നത്. വൈകിട്ട് ആറുമുതല് പ്രശസ്ത സാത്രിയ നര്ത്തകി അനിത ശര്മ്മയുടെ നൃത്തം നടക്കും. സംഗീതനാടക അക്കാദമി അവാര്ഡ് ജേതാവാണ് അനിത. രണ്ടാംദിനം നര്ത്തകി ബിംബാവതിദേവി നൃത്തം അവതരിപ്പിക്കും. മണിപ്പൂരി നര്ത്തകരായ ബിപിന് സിംഗിന്റേയും കലാവതി ദേവിയുടെയും മകളാണിവര്. രണ്ടാം ദിവസത്തെ യോഗത്തില് ജില്ലാ പഞ്ചായത്ത് പ്രസിഡന്റ് കെ.ജഗദമ്മ മുഖ്യാതിഥിയാകും. ത്രിനേത്ര 2016 ന്റെ സമാപന ദിനമായ 25ന് വൈകിട്ട് ആറിന് സോപാനം അഡിറ്റോറിയത്തില് മാളവിക സരുക്കായ് ഭരതനാട്യം അവതരിപ്പിക്കും. 1959ല് തമിഴ്നാട്ടില് 2002ലെ സംഗീത അക്കാദമി അവാര്ഡ് ജേതാവാണ്. 2003ല് രാജ്യം പത്മശ്രീ നല്കി ആദരിച്ചു. സമാപനദിവസം വൈകിട്ടു ചേരുന്ന യോഗത്തില് മന്ത്രി ജെ.മേഴ്സിക്കുട്ടിയമ്മ മുഖ്യാതിഥിയാകും. പ്രവേശനം സൗജന്യമാണെന്ന് നാട്യപ്രിയ ഡാന്സ് അക്കാദമി ഡയറക്ടര് ഡോ.ദ്രൗപതി പ്രവീണ്, സേവ് കിഡ്നി ഫൗണ്ടേഷന് സെക്രട്ടറി ഡോ.പ്രവീണ് നമ്പൂതിരി എന്നിവര് അറിയിച്ചു.
പ്രതികരിക്കാൻ ഇവിടെ എഴുതുക: