പാനൂര്: ചതയദിനാഘോഷ പരിപാടിക്കിടെ സിപിഎം അക്രമം. ആര്എസ്എസ് പ്രവര്ത്തകര്ക്കു പരിക്ക്. പുത്തൂര് കുണ്ടുങ്കര വയലില് നടന്ന ചതയാഘോഷ പരിപാടിക്കിടെയാണ് സിപിഎം, ഡിവൈഎഫ്ഐ പ്രവര്ത്തകര് അക്രമമഴിച്ചു വിട്ടത്. കെസി.മുക്കിലെ താഴെപുരയില് അക്ഷയ്(19), സൗപര്ണ്ണികയില് അരുണ്(24), വളളങ്ങാട് കുനിയില് നിവേദ്(22) എന്നിവര്ക്കാണ് പരിക്കേറ്റത്. ഇവരെ പാനൂര് സാമൂഹിക ആരോഗ്യകേന്ദ്രത്തില് പ്രവേശിപ്പിച്ചു. പാലക്കൂലിലെ നിജീഷ്, രഹിത്ത്, രാഗിന് എന്നിവരുടെ നേതൃത്വത്തിലാണ് അക്രമം നടന്നത്. സംഭവത്തിനു ശേഷം സായുധരായ സിപിഎം സംഘം പരിപാടി അലങ്കോലപ്പെടുത്താനും ശ്രമിച്ചു. എന്നാല് നാട്ടുകാര് ഇടപ്പെട്ട് പരിപാടി നടത്തി. പാനൂര് പോലീസ് കേസെടുത്തു. സിപിഎം പാനൂര് മേഖലയില് വ്യാപകമായ അക്രമത്തിനു ശ്രമിക്കുകയാണെന്ന് ബിജെപി കൂത്തുപറമ്പ് മണ്ഡലം ജനറല് സെക്രട്ടറി കെകെ.ധനഞ്ജയന് പ്രസ്താവനയില് പറഞ്ഞു. കഴിഞ്ഞ ദിവസം സമാനമായ അക്രമം പൊയിലൂരിലുമുണ്ടായി. അണികളെ നിയന്ത്രിക്കാന് സിപിഎം തയ്യാറായില്ലെങ്കില് പ്രദേശത്ത് സമാധാനം തകരുമെന്നും അതിന്റെ ഉത്തരവാദിത്വം സിപിഎം നേതൃത്വത്തിനു മാത്രമായിരിക്കുമെന്നും കെകെ.ധനഞ്ജയന് മുന്നറിയിപ്പ് നല്കി.
ചതയദിനാഘോഷ പരിപാടിക്കിടെ സിപിഎം അക്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.