കണ്ണൂര്: പള്ളിക്കുന്ന് സ്വദേശി എ.എന്.മോഹനകൃഷ്ണന്റെ ചിത്രപ്രദര്ശനം ഹോട്ടല് ബ്രോഡ് ബീനില് ജില്ലാ ജില്ലാ ഇന്ഫര്മേഷന് ഓഫീസര് ഇ.കെ.പത്മനാഭന് ഉദ്ഘാടനം ചെയ്തു.അപൂര്വ്വമായ പ്രകൃതിദൃശ്യങ്ങളെ തന്റെ വര്ണ്ണക്കൂട്ടുകളിലൂടെ കാഴ്ചക്കാരന്റെ കണ്മുന്നിലെത്തിക്കുകയായിരുന്നു മോഹനകൃഷ്ണന് തന്റെ ചിത്രപ്രദര്ശനത്തിലൂടെ. നൂറുകണക്കിനാളുകള് ചിത്രപ്രദര്ശനവേദിയിലെത്തി.
റോക്ക് ഐലന്റ്, കാനക്കോവ വാട്ടര്ഫോള്സ്, മൗണ്ട് ഫ്യുജി വാട്ടര്ഫോള്സ്, ആമസോണ് നദി ഉദ്ഭവിക്കുന്ന കോളംമ്നാര് റോക്ക്, ക്ളസ്റ്റര് ഐലന്റ് തുടങ്ങി നിരവധി ചിത്രങ്ങള് പ്രദര്ശനത്തിനെത്തിയവര്ക്ക് നവ്യാനുഭൂതി പകര്ന്നു. ചടങ്ങില് കണ്ണൂര് പ്രസ് ക്ളബ് പ്രസിഡന്റ് കെ.ടി.ശശി അദ്ധ്യക്ഷത വഹിച്ചു. ഭക്തിസംവര്ദ്ധിനിയോഗം സെക്രട്ടറി കെ.പി.പവിത്രന്, ആര്ട്ടിസ്റ്റ് ശ്രീജിത്ത് ബ്രഷ്മാന്, ആര്ട്ടിസ്റ്റ് ശശികല, സുഹാസ് വേലാണ്ടി തുടങ്ങിയവര് സംസാരിച്ചു. ടി.മിലേഷ് കുമാര് സ്വാഗതം പറഞ്ഞു. രാവിലെ 10 മണി മുതല് രാത്രി 6.30 വരെ നീണ്ടുനില്ക്കുന്ന പ്രദര്ശനം ഇന്ന് സമാപിക്കും.
