നടുവില്: നടുവിലില് സിപിഎം അക്രമത്തില് രണ്ട് ബിജെപി പ്രവര്ത്തകര്ക്ക് പരിക്കേറ്റു. നടുവില് പടിഞ്ഞാറ് ചെമ്മീന് കവലയില് കഴിഞ്ഞദിവസമായിരുന്നു സംഭവം. അക്രമത്തില് പരിക്കേറ്റ ബിജെപി പ്രവര്ത്തകരായ കെ.നിഖില്(23), എം.വി.സുഗേഷ്(24)എന്നിവരെ തളിപ്പറമ്പ് താലൂക്ക് ആശുപത്രിയില് പ്രവേശിപ്പിച്ചു. തിരുവോണദിവസം വൈകുന്നേരം അഞ്ചുമണിയോടെയായിരുന്നു സംഭവം. വീട്ടിലേക്ക് പോവുകയായിരുന്ന ഇരുവരും സിപിഎം പ്രവര്ത്തകരോട് ഓണാശംസകള് പറഞ്ഞതിനെ തുടര്ന്നുണ്ടായ തര്ക്കമാണ് അക്രമത്തില് കലാശിച്ചത്.
പടിഞ്ഞാറ് ഭാഗത്ത് ചെറുകാട് വായനശാല കേന്ദ്രീകരിച്ച് സിപിഎം ക്രിമിനല് സംഘം സൈ്വര്യവിഹാരം നടത്തുകയാണ്. ഈ മേഖലയില് സാമൂഹ്യവിരുദ്ധ പ്രവര്ത്തനങ്ങള് നടത്തുക, മറ്റ് പാര്ട്ടികളുടെ കൊടികളും പ്രചരണോപാധികളും നശിപ്പിക്കുക തുടങ്ങിയവ നിത്യസംഭവമാണ്. കഞ്ചാവ്, മദ്യം എന്നിവ വില്ക്കുന്ന ഒരു സംഘവും ഇവിടെ പ്രവര്ത്തിക്കുന്നുണ്ട്. പോലീസ് ഇത്തരം ക്രിമിനല് സംഘങ്ങള്ക്ക് ഒത്താശ ചെയ്യുകയാണ്. സിപിഎം പ്രവര്ത്തകരായ എ.പി.അജീഷ്, സി.എ.രതീഷ് എന്നിവരുടെ നേതൃത്വത്തിലുള്ള സംഘമാണ് നിഖിലിനെയും സുകേഷിനെയും മര്ദ്ദിച്ചത്.
അതേസമയം തിരുവോണദിവസം വൈകുന്നേരം വിളക്കണ്ണൂര് ഇറക്കത്തില് വാഹനാപകടത്തില് പരിക്കേറ്റ സിപിഎം പ്രവര്ത്തകനെ വെട്ടേറ്റെന്ന് ആരോപിച്ച് തളിപ്പറമ്പില് സഹകരണ ആശുപത്രിയില് പ്രവേശിപ്പിച്ചിട്ടുണ്ട്. നടുവിലിലെ ടി.ഫല്ഗുനനനെ(37)ആണ് ആശുപത്രിയില് പ്രവേശിപ്പിച്ചത്. മദ്യലഹരിയില് ഫല്ഗുനന് ഓടിച്ചിരുന്ന കാറും എതിരെ വരികയായിരുന്ന ബൈക്കും കൂട്ടിയിടിച്ചാണ് അപകടമുണ്ടായത്. അപകടത്തില് ബൈക്കോടിച്ചിരുന്ന നടുവില് ഒതയോത്തിടത്തില് സരസ്വതിയുടെ മകന് ശ്രീനാഥിനും നിസ്സാര പരിക്കേറ്റിട്ടുണ്ട്. ബൈക്കില് ശ്രീനാഥിന്റെ അനുജന് ശ്രീഹരിയും ഉണ്ടായിരുന്നു. സംഭവം പലരും കണ്ടതാണെങ്കിലും ഇന്നലെ രാവിലെ സിപിഎം നേതാക്കള് ബിജെപി പ്രവര്ത്തകര് വെട്ടിപ്പരിക്കേല്പ്പിച്ചെന്നാരോപിച്ചാണ് ഇയാളെ തളിപ്പറമ്പിലെ സഹകരണ ആശുപത്രിയില് പ്രവേശിപ്പിച്ചത്. മേഖലയില് വീണ്ടും പ്രശ്നങ്ങളുണ്ടാക്കാനുളള സിപിഎം നീക്കമാണ് ഇതിന് പിന്നില്. കുടിയാന്മല പോലീസാകട്ടെ സംഭവത്തില് കൂടുതല് അന്വേഷണം നടത്താന് തയ്യാറായിട്ടുമില്ല.
