തലശ്ശേരി: തലശ്ശേരിയിലെ മാധ്യമപ്രവര്ത്തകരുടെ കൂട്ടായ്മയായ പ്രസ് ഫോറത്തിന്റെ 40 -ാം വാര്ഷികാഘോഷങ്ങളുടെ ഒരുവര്ഷം നീണ്ടുനില്ക്കുന്ന പരിപാടികളുടെ ഉദ്ഘാടനവും മ്യൂസിക് നൈറ്റും 13 ന് വൈകുന്നേരം 5 മണി മുതല് തലശ്ശേരി കോ-ഓപ്പ ടൗണ് ബാങ്ക് ഓഡിറ്റോറിയത്തില് സംഘടിപ്പിക്കുമെന്ന് പ്രസ് ഫോറം ഭാരവാഹികള് വാര്ത്താസമ്മേളനത്തില് അറിയിച്ചു. തലശ്ശേരിക്കാര് ഇതേവരെ കണ്ടതില്വെച്ച് ഗംഭീരമായ കലാപരിപാടികളായിരിക്കും പ്രസ് ഫോറത്തിന്റെ വാര്ഷികാഘോഷവേളയില് അരങ്ങേറുകയെന്ന് പരിപാടിയുടെ കോ-ഓര്ഡിനേറ്ററും മാപ്പിളപ്പാട്ടിന്റെ കുലപതിയുമായ മൂസ എരഞ്ഞോളി പറഞ്ഞു. നിരവധി കലാകാരന്മാര് അണിനിരക്കുന്ന വിവിധയിനം കലാപരിപാടികള്, മാജിക് ഡാന്സ് ഷോ തുടങ്ങിയ കണ്ണഞ്ചിപ്പിക്കുന്ന പരിപാടികളാണ് ഒരുക്കിയിരിക്കുന്നതെന്നും മൂസ എരഞ്ഞോളി തുടര്ന്നു പറഞ്ഞു.
ഉദ്ഘാടന സമ്മേളനം മന്ത്രി കടന്നപ്പള്ളി രാമചന്ദ്രന് ഉദ്ഘാടനം ചെയ്യും. മുല്ലപ്പള്ളി രാമചന്ദ്രന് എംപി, അഡ്വ.എ.എന്.ഷംസീര് എംഎല്എ, മുന്മന്ത്രി കെ.പി.മോഹനന് തുടങ്ങി രാശ്ട്രീയ സാമൂഹ്യ സാസ്കാരിക രംഗത്തെ പ്രമുഖര് ചടങ്ങില് സംബന്ധിക്കുമെന്നും ഭാരവാഹികള് അറിയിച്ചു.
പ്രസ് ഫോറം പ്രസിഡണ്ട് കെ.ജെ.ജോര്ജ്ജ്, സെക്രട്ടറി എന്.സിറാജുദ്ദീന്, അര്ജ്ജുന് ബാബുരാജ്, പി.എം.അഷറഫ് തുടങ്ങിയവര് വാര്ത്താസമ്മേളനത്തില് സംബന്ധിച്ചു.
