ആലപ്പുഴ: അവധി ദിവസങ്ങളില് സംസ്ഥാനത്ത് അനധികൃത കെട്ടിടനിര്മാണ പ്രവൃത്തികള് കുടുതലായി നടക്കുന്നത് ശ്രദ്ധയില്പ്പെട്ട സാഹചര്യത്തില് നിര്മാണങ്ങള് കണ്ടെത്തി ഉടനടി നടപടി സ്വീകരിക്കാന് എല്ലാ തദ്ദേശഭരണ സ്ഥാപനങ്ങളിലും ബന്ധപ്പെട്ട ഉദ്യോഗസ്ഥരടങ്ങിയ സ്ക്വാഡ് രൂപവത്കരിച്ചു.
ഗ്രാമപഞ്ചായത്തുകളില് പഞ്ചായത്ത് സെക്രട്ടറിക്കും നഗരസഭകളില് മുനിസിപ്പല് സെക്രട്ടറിക്കുമാണ് അനധികൃത നിര്മാണം തടയുന്നതിനുള്ള ഉത്തരവാദിത്വം. തദ്ദേശഭരണസ്ഥാപന സെക്രട്ടറിയെക്കൂടാതെ നഗരസഭകളിലെ/പഞ്ചായത്ത് ഡെപ്യൂട്ടി ഡയറക്ടര്, നഗരകാര്യ റീജണല് ഡയറക്ടര്മാര് തുടങ്ങിയ ഉദ്യോഗസഥരടങ്ങിയതാണ് സ്ക്വാഡ്. സ്ക്വാഡ് നോട്ടീസ് നല്കിയിട്ടും നിര്ത്തിവയ്ക്കാത്ത അനധികൃത നിര്മാണ പ്രവൃത്തികള് നിര്ത്തിവയ്ക്കാന് പൊലീസ് സഹായം തേടും.
ഇതുമായി ബന്ധപ്പെട്ട നടപടികളുടെ പ്രവര്ത്തനപുരോഗതി എല്ലാ സ്ക്വാഡുകളും അതത് ദിവസം ബന്ധപ്പെട്ട വകുപ്പ് മേധാവികളെ ഇ-മെയില് മുഖേന അറിയിക്കണമെന്നും തദ്ദേശസ്വയംഭരണ വകുപ്പ് നിര്ദ്ദേശിച്ചിട്ടുണ്ട്.
