കണ്ണൂര്: ജില്ലയിലെങ്ങും ഓഫീസുകളിലും വിദ്യാഭ്യാസ സ്ഥാപനങ്ങളിലും ഇന്നലെ വിവിധങ്ങളായ പിരപാടികളോടെ ഓണാഘോഷം നടത്തി. ജില്ലാ കലക്ട്രേറ്റ് ഉള്പ്പെടെ മിക്ക ഓഫീസുകളിലും പൂക്കളമൊരുക്കിയും സദ്യവിളമ്പിയും വിവിധ മത്സരങ്ങള് സംഘടിപ്പിച്ചുമാണ് ഓണാഘോഷം നടത്തിയത്. സര്ക്കാര് ഓഫീസുകളില് പ്രവര്ത്തി സമയത്ത് ഓണാഘോഷം പാടില്ലെന്ന സര്ക്കാര് നിലപാടില് പ്രതിഷേധിച്ച് വിവിധ സംഘടനകളുടെ നേതൃത്വത്തില് പൂക്കളമിട്ടും പ്രതിഷേധിച്ചു. കണ്ണൂര് കലക്ട്രേറ്റിനു മുന്നില് യുവമോര്ച്ചയുടേയും പ്രതിപക്ഷ ജീവനക്കാരുടെ സംഘടനകളഉടേയും നേതൃത്വത്തില് പൂക്കളമിടുകയും പ്രതിഷേധ പ്രകടനം സംഘടിപ്പിക്കുകയും ചെയ്തു. സര്ക്കാര് നിലപാടില് ജീവനക്കാര്ക്കിടയില് വ്യാപക പ്രതിഷേധം നിലനില്ക്കുന്നുണ്ട്. സര്ക്കാര് തീരുമാനത്തെ തുടര്ന്ന് പതിവ് ഓണാഘോഷങ്ങളുടെ പൊലിമ ഇത്തവണത്തെ ഓഫീസുകളിലെ ഓണാഘോഷത്തിനുണ്ടായില്ല.
ഓണ പരീക്ഷ അവസാനിക്കുകയും ഓണ അവധിക്കായി സ്ക്കൂളുകള് അടയ്ക്കുകയും ചെയ്ത ഇന്നലെ ജില്ലയിലെ ഒട്ടുമിക്ക സ്ക്കൂളുകളിലും കോളേജുകളിലും വിവിധ ആഘോഷ പരിപാടികളും പൂക്കള മത്സരം ഉള്പ്പെടെയുളള മത്സരങ്ങളും ഓണസദ്യയും ഉള്പ്പെടെ സംഘടിപ്പിക്കുകയും ചെയ്തു.
ഇന്നലെ ഓണാഘോഷങ്ങളോടെ അടച്ച സര്ക്കാര് ഓഫീസുകളും ബാങ്കുകളും ഇനി 6 നാള് കഴിഞ്ഞെ പ്രവര്ത്തിക്കൂ. ഇന്ന് രണ്ടാം ശനി, നാളെ ഞായര്, തിങ്കളാഴ്ച ബക്രീദ്, ചൊവ്വാഴ്ച ഉത്രാടം, ബുധന് തിരുവോണം, വ്യാഴം മൂന്നാം ഓണം, വെളളി ശ്രീനാരായണ ഗുരു ജയന്തി എന്നിവ അവധി ദിവസങ്ങളായതിനാലാണ് 6 ദിവസം തുടര്ച്ചയായി ബാങ്കുകളും ഓഫീസുകളും അടഞ്ഞു കിടക്കുക.
പിലാത്തറ: പിലാത്തറ അരവിന്ദ വിദ്യാലയത്തില് ഓണാഘോഷം ശ്രീശങ്കരാചാര്യ സംസ്കൃത സര്വ്വകലാശാലാ പ്രിന്സിപ്പല് ഡോ.ഇ.ശ്രീധരന് നിര്വ്വഹിച്ചു. കുട്ടികളുടെ വിവിധ കലാകായിക മത്സരങ്ങള്, പുക്കള മത്സരം, ഓണസദ്യ എന്നിവയും നടന്നു.
തലശ്ശേരി: ജില്ലാ കോടതിയില് ബാര് അസോസിേയഷന്റെ ആഭിമുഖ്യത്തില് ഓണാഘോഷം നടത്തി. ജില്ലാ ജഡ്ജ് വി.ജി.അനില് കുമാര് ദീപം തെളിയിച്ച് ഉദ്ഘാടനം ചെയ്തു. വിജിലന്സ് ജഡ്ജ് വി.ജയറാം, എംഎസിടി ജഡ്ജ് ബൈജുനാഥ്, അഡീഷണല് ജില്ലാ ജഡ്ജ് രാജ് കുമാര്, സബ് ജഡ്ജ് അനില് കുമാര്, അഡീഷണല് സബ് ജഡ്ജ് മുഹമ്മദ് റയീസ്, സിജെഎം സെയ്തലവി, കുടുംബകോടതി ജഡ്ജ് ബാലന്, ലീഗല് സര്വ്വീസ് അതോറിറ്റി സെക്രട്ടറി ജയരാജ്, അസോസിയേഷന് പ്രസിഡണ്ട് ബിനോയ് തോമസ്, സെക്രട്ടറി ടി.ജദഗീഷ് എന്നിവര് സംസാരിച്ചു.
പയ്യാവൂര്: ചമതച്ചാല് ഗവ എല്പി സ്കൂളില് ഓണാഘോഷ പരിപാടികള് സംഘടിപ്പിച്ചു. കുട്ടികള്ക്കും രക്ഷിതാക്കള്ക്കും വിവിധ മത്സരങ്ങള് നടത്തി. വാര്ഡ് മെമ്പര് പൊക്കിളി കുഞ്ഞിരാമന് ഉദ്ഘാടനം ചെയ്തു. പ്രഥമാധ്യാപിക എം.പി.ലീലാമ്മ സ്വാഗതം പറഞ്ഞു. പിടിഎ പ്രസിഡണ്ട് ലൂക്കോസ് മാത്യു അധ്യക്ഷത വഹിച്ചു. ബിന്ദുബാബു, ജോയി തുടങ്ങിയവര് സംസാരിച്ചു. ജ്യോതി ടീച്ചര് നന്ദി പറഞ്ഞു.
ചാമക്കാല്: ചാമക്കാല് ഗവ.എല്പി സ്കൂളില് ഓണാഘോഷത്തിന്റെ ഭാഗമായി കുട്ടിമാവേലി സന്ദര്ശനം നടത്തി. അമ്മമാര്ക്കായി വിവിധ നാടന് കളികള്, കുട്ടികളുടെ കലാപരിപാടികള്, ഓണസദ്യ തുടങ്ങി വിവിധ പരിപാടികള് സംഘടിപ്പിച്ചു. പ്രധാനാധ്യാപിക എത്സമ്മ മാത്യു, പിടിഎ പ്രസിഡണ്ട് ഷാജി ചെറിയാന്, എംപിടിഎ പ്രസിഡണ്ട് ദീപ ബിജു, കെ.എ.ആന്സി, എ.മനോഹരന്, കെ.വി.ജോസ്മി ജോസ്, കെ.വി.ഗോവിന്ദന്, ടി.സ്വപ്ന, സൗമ്യ ദിനേശ്, രജനി നിശാന്ത് എന്നിവര് നേതൃത്വം നല്കി.
