ചിറക്കടവ്: മണക്കാട്ട് ശ്രീ ഭദ്രാ ക്ഷേത്രത്തില് ടി. എന്. ഗോപാലപിള്ള സ്മാരക ആദ്ധ്യാത്മിക ഗ്രന്ഥശാലയുടെ ഉദ്ഘാടനം ഞായറാഴ്ച നടക്കും. ക്ഷേത്ര ചൈതന്യരഹസ്യം, ആചാരനുഷ്ഠാനങ്ങള്, വാസ്തുശാസ്ത്രരത്നം. തന്ത്രസമുച്ചയം തുടങ്ങിയ വൈജ്ഞാനിക ഗ്രസ്ഥങ്ങള്, പുരാണങ്ങള്, കീര്ത്തനങ്ങള് എന്നിവയുള്പ്പെടെ ആയിരത്തോളം പുസ്തകങ്ങളുമായി ഗ്രന്ഥശാല ഒരുങ്ങി.
ഉച്ചകഴിഞ്ഞ് 3ന് ദേവസ്വം ഹാളില് നടക്കുന്ന ചടങ്ങില് ഗ്രാമപഞ്ചായത്ത് പ്രസിഡന്റ് അഡ്വ. ജയാശ്രീധര് ഗ്രന്ഥശാല ഉദ്ഘാടനം നിര്വഹിക്കും. ദേവസ്വം പ്രസിഡന്റ് ഡോ. സി. പി. എസ്. പിള്ള അദ്ധ്യക്ഷത വഹിക്കും. മുന് ദേവസ്വം ഭാരവാഹികളായിരുന്ന പി. എന്. പിള്ള കമലാലയം, അഡ്വ. എന്. നീലകണ്ഠപിള്ള മുളവേലില്, കെ. എന്. രാമകൃഷ്ണപിള്ള കുറിയണൂര്, കെ.എസ്. ശ്രീധരന്പിള്ള കൊല്ലമല, ടി. എന്. ഗോപാലപിള്ള തീമ്പനാല് എന്നിവരുടെ ഛായചിത്രങ്ങള് ദേവസ്വം ഹാളില് അനാച്ഛാദനം ചെയ്യും.
സമ്മേളനം വൈക്കം ക്ഷേത്രകലാപീഠം ഡയറക്ടര് പ്രൊഫ. ഡോ. പി. പി. ചന്ദ്രശേഖരന്പിള്ള ഉദ്ഘാടനം ചെയ്യും. ഡോ. കാനം ശങ്കരപിള്ള മുഖ്യപ്രഭാഷണം നടത്തും. ദേശീയ സീനിയര് അത്ലറ്റിക് മീറ്റില് സ്വര്ണ്ണം നേടിയ ഡി. ശ്രീകാന്തിന് മണക്കാട്ട് ശ്രീഭദ്ര പുരസ്ക്കാരം കെവിഎംഎസ് ഡയറക്ടര് ബോര്ഡ് അംഗം ഡോ. എന്. രാമചന്ദ്രന് പിള്ള സമ്മാനിക്കും. പഞ്ചായത്തു വൈസ് പ്രസിഡന്റ് ടി. എന്. ഗിരീഷ് കുമാര്, പഞ്ചായത്തംഗങ്ങളായ സോമാ അനീഷ്,റോസമ്മടീച്ചര്, കെ.ജി. കണ്ണന്, സുബിതാ ബിനോയി, ടി.എന്. സരസ്വതിയമ്മടീച്ചര്, പി.എന്. ദാമോദരന്പിള്ള, കെ. എസ്. ശശിധരന്നായര്, സാബു കമ്മേടത്ത്. പി. എന്. സോജന്, എം.എന്. രാജരത്നം, ശശികുമാര് തിരുവപ്പള്ളില്, റ്റി. ജി. ഗിരിജ തീമ്പനാല്, ടി. പി. രവീന്ദ്രന്പിള്ള എന്നിവര് പ്രസംഗിക്കും.
അലമാര, പുസ്തകങ്ങള് എന്നിവയുടെ സമര്പ്പണം ടി. ജി. രാജേന്ദ്രന്, പി. കെ. സുകുമാരപിള്ള, വി. ജി. ഗോപിനാഥപിള്ള എന്നിവര് നിര്വ്വഹിക്കും.
